Isaías 50:1-11
50 Jehová heʼi:
“¿Che piko ameʼẽ raʼe pende sýpe peteĩ sertifikádo de divórsio+ amosẽrõ guare chupe?
¿Peẽ piko peimoʼã che povende hague adeve haguére algúnope?
Peẽ ningo penerembiapo vai,+ upévare peñevende vaʼekue ha pejegueraha prisionéro.
Ha pende sýpe oñemosẽ vaʼekue peẽ pende pekádo heta haguére.+
2 Upéicharõ, ¿mbaʼére piko avave ndaipóri koʼápe che ajúrõ guare?
¿Mbaʼére piko peẽ napekontestái che pohenóirõ guare?+
¿Pepensa piko che jyva mbykyetereiha posalva hag̃ua?
¿Peimoʼã piko ndarekoiha podér pogueru jey hag̃ua?+
Pepensamíntena, che amanda rupi, pe mar opyta iséko,+ha umi rríogui oiko desiérto.+
Upéicha rupi umi pira itujupa upépe,ha omano ndorekovéi rupi y.
3 Che amoypytũ pe yvága,+haʼete voi amoĩva hese peteĩ téla hũ amoʼã hag̃ua”.
4 Jehová hína Ñandejára ogovernáva opa mbaʼe,haʼe chemboʼe mbaʼéichapa aipuru vaʼerã umi ñeʼẽ iporãva,+ikatu hag̃uáicha aikuaa mbaʼépa haʼe vaʼerã pe ikaneʼõvape.+
Ñandejára chemombáy káda pyhareve, ha ahendu haʼe chemboʼéva.+
5 Ñandejára Jehová ogovernáva opa mbaʼe omeʼẽ chéve entendimiénto.*
Che nañemoĩri hese,+ni ndajeréi chugui aha hag̃ua ótro tapérupi.+
6 Che amoĩ che lómo umi chenupãvape,ha amoĩ che rova umi hatã oitirávape che várva oipeʼa hag̃ua chehegui.*
Che namokañýi che rova umi cheapoʼívagui ni umi ondyvúvagui cherehe.+
7 Péro Ñandejára Jehová ogovernáva opa mbaʼe, chepytyvõta,+upévare che nañeñanduvaimoʼãi.
Ha añehaʼã añemombarete peteĩ itáicha ambohovái hag̃ua chupekuéra.+
Che aikuaa porã nañemotĩmoʼãiha.
8 Ñandejára oĩ che ykére ha heʼi chehustoha,¿máva piko oñanima oñemoĩ che kóntrape?+
Toúna toñepresenta chembohovái hag̃ua.
Oiméramo oĩ opresentaséva peteĩ káso che kóntrape,tou toñemboja che rendápe.
9 Ñandejára Jehová ogovernáva opa mbaʼe chepytyvõta.
¿Máva piko upéicharõ ikatu chekondena?
Umi vícho hoʼuháicha umi ao ha oñehundi,péicha umi hénte oñehundíta umi aóicha.
10 ¿Máva piko pende apytégui orrespeta Jehovápeha iñeʼẽrendu Ñandejára siérvope?+
¿Máva piko oiko pytũmbýpe ha ndorekói ni peteĩ esperánsa?
Pejerovia Jehová rérare ha peheja ipópe opa mbaʼe.
11 “Pehendu enterove peẽ pembojepotáva pe tata,peẽ pembovevéva hína pe tatapiriri.
Peho peguata pe tatarendy ohesapehárupi,pe tatapiriri mbytére pekorre.
Peẽ perresivíta ko kastígo:
heta pehasa asýta ha pemanóta”.
