Isaías 53:1-12
53 ¿Máva piko ojerovia ore roʼe vaʼekuére?+
¿Ha mávapepa Jehová ohechauka+ ipodér?*+
2 Haʼe ojogua peteĩ plánta rakã+ okakuaávape henondépe,* haʼete peteĩ plánta oñembohapóva desiértope.
Haʼe noñembotuichái síno isensillomínte,+ha jahechárõ chupe ni ndajahaséi ñañemboja hese.
3 Umi hénte odespresia ha omboyke chupe.+
Haʼe oikuaa mbaʼépa heʼise jehasa asy, ha ontende mbaʼépa heʼise la mbaʼasy.
Haʼete voi hova oñemoʼãva ñandehegui,*
ojedespresia chupe ha ñapensa haʼe ndovaleiha mbaʼeverã.+
4 Añetehápe haʼe ogueraha ijapére ñane mbaʼasy,+ogueraha ñane sufrimiénto.+
Ñande katu ñapensa ojekastigaha chupe, ñapensa Ñandejára ombohasa asyha chupe, ha ombouha chupe peteĩ mbaʼasy.
5 Chupe ojekutu+ ñande pekádore,+oñembohasa asy chupe ñane rembiapo vaikuére.+
Haʼe oheja ojekastiga chupe ñande jaiko hag̃ua pyʼaguapýpe,+umi ijerída rupive ñande jakuera vaʼekue.+
6 Umi ovecháicha ñande jakorrepa rei upérupi,+káda uno oho ohoseha gotyo,péro Jehová omoĩmbaite hiʼári ñande pekádo.+
7 Oñembohasa asýramo jepe chupe,+ haʼe ndeʼíri mbaʼevete,haʼe oheja oñemaltrata chupe.+
Ojegueraha chupe ojeguerahaháicha umi ovecha ojejuka hag̃ua,+ojogua umi ovecha nahasẽivape oñeñapĩ jave,haʼe ndeʼíri mbaʼeve.+
8 Chupe oñembohasa asy, ha ojehusga vai rupi ojejuka chupe.
¿Máva piko oinvestiga máva familiarépa* haʼe?
Ojepeʼa chupe ko yvy ape árigui,+ha pe puévlo opeka haguére, ojekutu vaipa chupe.+
9 Haʼe ningo ndojapói mbaʼeve ivaíva,ha núnka ndaijapúi vaʼekue,+upéicharõ jepe oñemoĩ chupe peteĩ sepultúra umi iñañáva ndive,+ha ojejukávo oñeñotỹ chupe umi iplátava ndive.+
10 Péro Jehová oheja chupe ohasa asy, okumpli hag̃ua ivolunta.
Haʼe opermiti ohasa heta sufrimiénto.
Ñandejára, nde representáramo hekove* peteĩ ofrénda+ por la kúlpaicha, haʼe ohecháta ifamiliakuérape ha oikove pukúta.+
Haʼe rupive Jehová volunta oñekumplíta.+
11 Haʼe ohasa asy haguére ojehupytýta heta mbaʼe porã ha ovyʼáta ohechávo umíva.
Che siérvo ningo ihústo ha oikuaa heta mbaʼe,+upéicha rupi oipytyvõta heta persónape ha ojeʼéta hesekuéra ihustoha,+haʼe ogueraháta ijapére ñande pekadokuéra.+
12 Upévare che ameʼẽta chupe ha hetave héntepe iprémio,ha haʼe orrepartíta umi soldádo poderósondi umi mbaʼe ojepeʼa vaʼekue iñenemigokuéragui gerrahápe.
Haʼe ningo omeʼẽ hekove* ha omano,+ha ojeʼe hese pekadorha.+
Haʼe ogueraha ijapére umi hénte pekádo,+ha oipytyvõ umi hembiapo vaívape.+
Nóta
^ Hebréope: “ijyva”.
^ Péva ikatu hína peteĩ persóna térã Ñandejára.
^ Ikatu avei: “Haʼete peteĩ persóna umi hénte ojeréva chugui ani hag̃ua omaña hese”.
^ Hebréope: “henerasiónpa”.
^ Térã: “hiʼálma”.
^ Térã: “hiʼálma”.
