Isaías 55:1-13
55 Enterove peẽ pendeuhéiva,+ peju peyʼu koʼápe,+peẽ ndaperekóiva pláta, peju pekaru.
Ndaperekóiramo jepe pláta, peju katu pegueraha víno ha kamby+ gratiete.+
2 ¿Maʼerã piko peiko pejogua umi tembiʼu naiñaliméntoiva?
¿Maʼerã piko pegasta pende pláta umi tembiʼu ndaikatúivare penemohyg̃uatã?
Pehendu porãkena la haʼéva ha peʼu umi tembiʼu iporãva.+
Peʼúrõ umi tembiʼu héva, pehecháta* mbaʼeichaitépa pevyʼa.+
3 Peju che rendápe ha pejapysaka cherehe,+pehendu la haʼéva ha peikovéta.*
Che ajapóta penendive peteĩ kompromíso opa ára g̃uarã,+péicha akumplíta apromete vaʼekue Davídpe: ahayhuetereitaha* chupe. Ha ko promésare ikatu pejerovia.+
4 Che anombra peteĩ líder+ ha governánte+ umi tetãme g̃uarã,amoĩ chupe che testígoramo+ umi tetãme g̃uarã.
5 Peẽ pehenóita peteĩ tetã ndapeikuaáivape,ha umi hénte upe tetãmegua oúta pene rendápepórke Ñandejára penembotuicháta.+
Haʼekuéra oúta Jehová rehehápe,+ haʼe hína Israel Jára.*
6 Pehekákena Jehovápe ikatu reheve,+pejerure chupe ajúda haʼe oĩ aja pende ypýpe.+
7 Pe iñañáva toheja hembiapo vai,+ha anive opensa ivaívare.
Tou jey Jehová rendápe, pórke haʼe oiporiahuverekóta chupe.+
Toñemoag̃ui Ñandejárare, pórke haʼe operdonambaitéta chupe hembiapo vaikue.+
8 Jehová heʼi: “Peẽ pepensáva idiferénte la che apensávagui,+ha che rape idiferénte pe tape peẽ pesegívagui.
9 Pe yvága yvateterei oĩ, ko yvy ndaikatúi ohupyty chupe,péicha avei che rape ijyvateve pende rapégui,umi mbaʼe che apensáva mombyry oĩ pene pensamiéntogui.+
10 Pe ama ha pe niéve hoʼa yvágagui ikatu hag̃uáicha heʼõ pe yvy, heñói ha okakuaa umi plánta.
Pe y ndojevýi ojapopa mboyve koʼã mbaʼe.
Péicha oiko umi ombaʼapóva kokuépe oreko hag̃ua semílla oñotỹ hag̃ua, ha ani hag̃ua ofalta umi héntepe hoʼu vaʼerã.
11 Upeichaite avei umi palávra osẽva che jurúgui,+ndojevymoʼãi che rendápe oñekumpliʼỹre.+
Síno katuete oikóta opaite mbaʼe che aipotáva,+la che haʼéva núnka nosẽvaimoʼãi.
12 Peẽ vyʼápe pesẽta tetã ahénogui,+ha pyʼaguapýpe peg̃uahẽta.+
Umi montáña ha umi sérro osapukáita vyʼágui peẽ peg̃uahẽvo,+ha umi yvyramáta oĩva umi kaʼaguýre ojepopetéta peẽme.+
13 Okakuaa rangue umi plánta hatĩmbáva, okakuaáta enévro máta,+ha okakuaa rangue umi pyno ñandejopi rasýva, okakuaáta mírto máta.
Koʼã mbaʼe oikótava ombotuicháta Jehová réra,+ha opytáta de señál opa ára g̃uarã”.
