Jeremías 10:1-25
10 Pehendu mbaʼépa heʼi Jehová pene kóntrape peẽ Israelgua.
2 Péicha heʼi Jehová:
“Ani pejapo umi nasionkuéra ojepokuaáva ojapo,+ha ani pekyhyjeterei pepytávo umi señál ojekuaávagui yvágare,pórke umi nasionkuéra okyhyjepa umívagui.+
3 Pórke umi mbaʼe ojepokuaáva ojapo umi tetãnguéra vyrorei hína.*
Péva ningo peteĩ yvyramáta ojeity vaʼekue kaʼaguýpe,ha ombaʼapo hese peteĩ artesáno iñerramiénta reheve ojapo hag̃ua chugui peteĩ dios raʼanga.+
4 Ombojegua pláta ha órope,+ha oipuru hikuái klávo ha martíllo oklava hag̃ua pe taʼanga, ikatu hag̃uáicha opyta hatã ha ani hag̃ua hoʼa.+
5 Umi taʼanga ojogua peteĩ espantapáharo oĩvape pepinotýpe, ndaikatúi oñeʼẽ,+ojegueraha vaʼerã chupekuéra, pórke ndaikatúi oguata.+
Ani pekyhyje chuguikuéra, pórke haʼekuéra ndaikatúi ojapo mbaʼeve ivaíva ótrore,ni ndaikatúi ojapo mbaʼeve iporãva ótrore”.+
6 Avave ndaipóri ndeichagua Jehová.+
Nde ningo ndetuichaiterei ha nde réra ndaijojahái ha ipoderóso.
7 Rréi omandáva umi tetãnguérare,+ ¿máva piko ndokyhyjemoʼãi ndehegui? Nde ningo remerese rejerrespeta,pórke umi iñarandúva apytépe umi nasionkuérape ha enterove umi igoviernokuéra apytépe,ndaipóri ni peteĩ ndeichagua.+
8 Enterove haʼekuéra ningo oñembotavy ha ivýro.+
Peteĩ yvyramáta omboʼe chupekuéra vyroreiete.*+
9 Umi chápa de pláta ojegueru Társisgui+ ha óro Ufázgui,umívare ningo ombaʼapo umi artesáno ha erréro.
Umi ijao ojejapo ílo hovy ha lána lílagui.
Umíva ningo ojapo umi hénte ivaléva.
10 Péro Jehová añetehápe haʼe Ñandejára.
Haʼe hína Ñandejára oikovéva+ ha Rréi opa ára g̃uarã,+haʼe ipochy rupi pe yvy oryryipáta,+ha ni peteĩ país ndaipuʼakamoʼãi hese ipochýramo.
11 * Ere vaʼerã chupekuéra ko mbaʼe:
“Umi dios ndojapói vaʼekue yvága ha yvy,umíva oñehundíta ko yvy ape árigui ha ni peteĩva ndopytamoʼãi yvága guýpe”.+
12 Haʼe hína pe ojapo vaʼekue ko yvy ipodér rupive,Haʼe iñarandu rupi omohenda porã ko yvy oprodusi porãitéva,+ha iñarandu* rupi oipyso vaʼekue pe yvága.+
13 Haʼe ohenduka vove iñeʼẽ,umi y yvagapegua okororõ ha ipochy,+ha haʼe oipota rupi, umi y ojupi yvágape mombyryvehágui ko yvýgui oiko hag̃ua chugui umi arai.+
Haʼe ombou aravera* oky jave,ha oguenohẽ pe yvytu pe lugár oñongatuhágui.+
14 Enterove kuimbaʼe itavy ha ndoikuaái mbaʼeve.
Enterove umi erréro oñemotĩta ojapo haguére umi taʼanga,+pórke umi taʼanga de metál ojapóva hikuái ndahaʼéi mbaʼeve,umíva umi dios ningo ndorekói vída.*+
15 Umíva ndovaléi mbaʼeverã,* ojejapo oñeñembohory hag̃uánte hesekuéra.+
Og̃uahẽ vove pe día ojehusga hag̃ua chupekuéra, oñehundíta hikuái.
16 Péro Jacob Jára* ndahaʼéi hína haʼekuéraicha,pórke haʼe hína opa mbaʼe Apohare,pe párte iporãvéva iñerénsiagui haʼe hína Israel.+
Haʼe héra hína Jehová, umi ehérsito yvagapegua ruvicha.+
17 Nde kuña* reikóva pe lugár oñemongorávape,ehupi pe yvýgui nde kárga.
18 Jehová heʼi rupi kóicha:
“Ko tiémpope che amombo* hína umi hénte oikóvape ko yvýpe,+ha ambohasa asýta chupekuéra”.
19 ¡Aichejáranga che, mbaʼeichaitépa añekevranta!+
Ko erída arekóva naipohãi.
Ha che haʼe voi: “Kóva hína che mbaʼasy, ha chémante agueropuʼaka vaʼerã.
20 Che róga kárpa ojeitypa, ha umi pióla hesegua ojetrosapa.+
Che raʼykuéra cherejapa ha ndaiporivéima.+
Ndaiporivéima avave oipyso ni omopuʼã vaʼerã chéve che róga kárpa.
21 Umi pastór katu oñembotavy,+ha nombaʼeporandúi hikuái Jehovápe.+
Upéicha rupi, umi mbaʼe ojapóvare ojekuaa hesekuéra naiñaranduiha,ha kompletoite umi ijovechakuéra isarambipa”.+
22 ¡Ehendu ko notísia og̃uahẽva koʼág̃a!
Tyapu guasu oñehendu ouha pe país oĩvagui nórte gotyo.+
Ijehersitokuéra ou hína oheja hag̃ua nandi Judá siudakuéra, ojapo hag̃ua koʼã siudágui peteĩ lugár oiko hag̃ua umi jagua salváhe.*+
23 Jehová, che aikuaa porã yvypórape ndotokaiha omaneha hape,ha yvypóra ndorekoiha derécho ni odirihívo hekove ijehegui rei.+
24 Jehová, chekorrehimína hendaitépe,péro ani nde pochykue reheve+ ani hag̃ua cherundiete.+
25 Eñohẽna nde pochykue umi nasionkuéra nopenáivare nderehe,+ha umi família ndojeroviáivare nde rérare.
Pórke haʼekuéra ohundi Jacob familiarépe,+ohundi chupekuéra opaite peve,+ha upe ivallekuéra oheja hikuái nandi vera.+
Nóta
^ Térã: “ndovaléi hína mbaʼeverã”.
^ Térã: “umi mbaʼe ndovaléiva mbaʼeverã”.
^ Versíkulo 11 ojeskrivi ypy vaʼekue araméope.
^ Térã: “oreko rupi entendimiénto”.
^ Ikatu avei: “oavri umi kompuérta osẽ hag̃ua y”.
^ Térã: “ndorrespirái”.
^ Térã: “vyrorei”.
^ Hebréope: “pe párte otokáva Jacóbpe”.
^ Koʼápe oñeñeʼẽ hína Jerusalén rehe.
^ Térã: “apoi ondapeguáicha”.
^ Térã: “chakál”.
