Jeremías 2:1-37
2 Jehová oñeʼẽ chéve ha heʼi:
2 “Tereho ere koʼã mbaʼe ohendu hag̃ua Jerusalén: ‘Péicha heʼi Jehová:
“Chemanduʼa porã mbaʼeichaitépa rejerovia vaʼekue nemitãme,+mbaʼeichaitépa cherayhu* reñekomprometérõ guare remenda hag̃ua cherehe,+mbaʼéichapa chesegi vaʼekue pe desiértope,peteĩ yvy noñeñotỹihápe mbaʼeve.+
3 Israel ningo sagrádo vaʼekue Jehovápe g̃uarã,+ chupekuéra primeroite ojekosecha vaʼekue”’.
Jehová heʼi: ‘Oimeraẽ operhudikáva chupekuéra opytáma vaʼekue kulpávle,ha heta mbaʼe vai ou hiʼarikuéra’”.+
4 Pehendu Jehová heʼíva peẽ Jacob familiare,ha kompletoite peẽ Israel rogaygua.
5 Péicha heʼi Jehová:
“¿Otopa mbaʼe piko algúna fálla cherehe umi pende tuakuéra ypykue,+ajeve oho hikuái mombyryete chehegui,ha oho umi dios ndovaléiva mbaʼeverã rapykuéri,+ ha péicha oiko avei chuguikuéra peteĩ mbaʼe ndovaléiva mbaʼeverã?+
6 Noporandúi hikuái: ‘¿Moõ piko oime Jehová,upe ñaneguenohẽ vaʼekue Egíptogui,+ñandegia vaʼekue pe desiértore,pe yvy ndaiporihápe mbaʼeve+ ha oĩháme heta yvykua pypuku,pe yvy ndaiporihápe y+ ha iñypytũetévape,pe yvy avave ndohasaihárupi,ha avavete oikoʼỹháme?’.
7 Upéi pogueru vaʼekue peteĩ yvy porãme,*
ikatu hag̃uáicha peʼu umi mbaʼe oprodusíva ha umi mbaʼe porã oĩva pype.+
Péro peẽ peike ha pemongyʼapa che yvy,ha pejapo che erénsiagui peteĩ mbaʼe oporombojeguarúva.+
8 Umi saserdotekuéra noporandúi: ‘¿Moõ piko oime Jehová?’.+
Umi oporomboʼéva pe léi ndachekuaái,umi pastór opuʼã cherehe,+umi proféta oprofetisa Baal rérape,+ha osegi hikuái umi dios ndoguerúivape mbaʼeve iporãva.
9 Jehová heʼi: ‘Upévare arekóta hetave mbaʼe pene kóntrape,+ha arekóta avei pende raʼykuéra familiare kóntrape’.
10 ‘Pehasa pe mar ha peho umi kitim islakuérape,*+ ha pehecha.
Pemondo umi héntepe Quedárpe+ ha pepensa porã,oimépa pehecháma oikoha upépe ko mbaʼe.
11 ¿Oĩ piko peteĩ nasión okambia vaʼekue idioskuéra umi ndahaʼéivare dios?
Péro che puévlo chemombaʼeguasu rangue chekambia peteĩ mbaʼe ndovaléivare mbaʼeverã.+
12 Pehecharamókena ko mbaʼe, peẽ peiméva yvágape,peryrýikena pekyhyjégui’, heʼi Jehová.
13 ‘Pórke che puévlo ojapo mokõi mbaʼe vai:
Chereja chéve, ameʼẽva pe y oporomoingovéva,+ha avei ojapo* hikuái imbaʼerã umi alhíve,*
umi alhíve otiripáva ha operdepa jeýva pe y’.
14 ‘Israel ningo ndahaʼéi peteĩ siérvo ni esklávo onase vaʼekue ipatrón rógape, ¿ajépa?
¿Mbaʼére piko upéicharõ ojetrata vaiete chupe peteĩ esklávoicha?
15 Okororõ chupe umi león raʼyrusu,+hatã okororõ chupe.
Pe yvýgui ojapo hikuái peteĩ lugár ojekyhyjeha.
Umi isiudakuéra ojehapypa, upévare avave ndoikói upépe.
16 Umi hénte Nof*+ ha Tahpanesgua+ okaru ne akãre ha nemoakã perõ.*
17 Israel rajy, ¿nde piko nderejapói raʼe koʼã mbaʼe ndejehe voirehejávo nde Jára Jehovápe,+haʼe ndegiárõ guare pe tapére?
18 Ha, ¿mbaʼére piko rehechagaʼuete pe tape ohóva Egíptope,+reʼu hag̃ua pe y oĩva Sihórpe?*
¿Mbaʼére piko rehechagaʼuete pe tape ohóva Asíriape,+reʼu hag̃ua pe y oĩva Rrío Éufratespe?
19 Reaprende vaʼerã pe mbaʼe vai rejapóvagui,ha ndekorrehi vaʼerã umi mbaʼe rejapo vaʼekue naneñeʼẽrendúigui.
Eikuaa ha ehechakuaáke mbaʼeichaitépa ivai ha ijetuʼu+
reheja nde Jára Jehovápe,nde nderehechaukaiete rekyhyjeha chehegui’,+ heʼi Ñandejára Jehová ogovernáva opa mbaʼe, umi ehérsito yvagapegua ruvicha.
20 ‘Pórke ymáma ningo che ahundi hague nde júgo,+ha aipeʼa umi ne kadenakuéra.
Péro nde ere kuri: “Nañemoĩmoʼãi nde poguýpe”,
upéva rangue nde rejepyso pe yvýpe ha nderekovai,+umi sérro yvate ári ha umi yvyramáta guasu guýpe.+
21 Che roñotỹ vaʼekue peteĩ parrál pytã iporãitereívaicha,+ pe semílla iporãiterei vaʼekue.
¿Mbaʼéicha rupi piko nde reñembyai che renondépe, rekambia ha oiko ndehegui peteĩ parrál kaʼaguy?’.+
22 ‘Rejahu porã ha rejekytýramo jepe,*
lomímonte resegíta ndekyʼa che renondépe’,+ heʼi Ñandejára Jehová ogovernáva opa mbaʼe.
23 ¿Mbaʼéicha piko eréta: ‘Che ningo nañemongyʼái,che ningo ndahái umi Baal rapykuéri’?
Emañána nde rapére pe ñúme.
Ehecha mbaʼépa la rejapo vaʼekue.
Nde ningo rejogua peteĩ kaméllo kuña imitãvape, iñakuãva,ojediverti hag̃ua odiparáva ohóvo ápe ha pépe umi tapére.
24 Nde ningo peteĩ vúrra salváhe ojepokuaáva oiko pe desiértore,oñetĩrupíva pe yvytúre iñakãrakúgui ohekávo pe máchope.*
¿Máva piko ikatúne ojoko chupe imbaʼepota jave?
Avave naikaneʼõmoʼãi ohekávo chupe.
Umi vúrro mácho otopáta hese imbaʼepotaha tiémpope.*
25 Anive redipara, pórke repytáta py nandiha ndeahyʼo sekopáta.
Péro nde ere: ‘¡No, nachepohãvéima!+
Añenamora umi dios extranhérore,+ha asegíta chupekuéra’.+
26 Peteĩ mondaha oñemotĩháicha ojejagarra jave chupe,péicha avei Israel rogaygua oñemotĩ,oñemotĩ haʼekuéra, irreikuéra ha umi iprinsipekuéra,avei umi isaserdóte ha iprofetakuéra.+
27 Heʼi hikuái umi yvyramátape: ‘Nde hína che túa’,+
ha umi itápe: ‘Nde hína che sy’.
Péro haʼekuéra oñemolómo chehegui ha nomañái cherehe.+
Ha pe ohasa asyha tiémpope, heʼíta hikuái:
‘¡Epuʼãke oresalva!’.+
28 Ha, ¿moõiko oime umi dios rejapo vaʼekue nembaʼerã?+
Toúna hikuái ha tandesalva rehasa asyha tiémpope Judá,pórke umi nde dioskuéra hetaiterei, hetaháicha umi nde siudakuéra.+
29 Jehová heʼi: ‘¿Mbaʼére piko peẽ pesegi peñemoĩ cherehe?
¿Mbaʼéreiko enterovete peẽ pepuʼã cherehe?’.+
30 Reiete ainupã kuri pende raʼykuérape.+
Haʼekuéra nopenaiete voi cherehe akorrehi jave chupekuéra,+pende espáda ojuka umi pende profetakuérape,+oporoatakaháicha peteĩ león.
31 Peẽ hénte peikóva ko tiémpope, peñatendemína mbaʼépa heʼi Jehová.
¿Che piko peteĩ desiérto mbaʼe Israélpe g̃uarã,térã peteĩ yvy iñypytũetereíva?
¿Mbaʼére piko che puévlo heʼi kóicha: ‘Ore ningo rokorre rei roikóvo trankílamente,ndorohomoʼãvéima ne rendápe’?+
32 ¿Peteĩ kuñataĩ piko ikatu hesarái umi iñadornokuéragui?
¿Peteĩ nóvia piko hesaráine pe sínto* oipurúvagui omenda hag̃ua?
Péro che puévlo hetaiterei tiémpoma hesarái chehegui.+
33 ¡Mbaʼeichaitépa nde kuña ndevale reheka hag̃ua umi kuimbaʼe nderayhu vaʼerã!
Nde ningo ndevale rejapo hag̃ua mbaʼe vai.+
34 Nde ao remongyʼapa umi inosénte ha imboriahúva* ruguykuépe,+ndahaʼéi ojejuka vaʼekue chupekuéra oikese rupi mbaretépe nde rógape,upéicharõ jepe atopa pe huguykuerakue nde aóre.+
35 Péro nde ere: ‘Che ningo inosénte.
Ñandejára katuete ndaipochyvéima chendive’.
Koʼág̃a che rohusgáta,pórke ere: ‘Che ningo ndapekái’.
36 ¿Ndéve g̃uarã piko ndahaʼeiete voi mbaʼeve rekambia manterei repensa lája?
Nde reñemotĩta avei Egipto káusare,+reñemotĩ haguéicha Asiria káusare.+
37 Upévare nde rehóta nde po ne akã ári reñemotĩ rupi,+pórke Jehová orrechasa umi nde jeroviahápe,haʼekuéra nanepytyvõmoʼãi resẽ porã hag̃ua”.
Nóta
^ Térã: “yvy oĩháme heta uérta”.
^ Térã: “lugár oĩva mar oríllape”.
^ Térã: “ojoʼo”. Amalisia ojoʼo hikuái pe ita.
^ Upéva hína yvykua oñembyatyhápe y.
^ Térã: “Menfis”.
^ Hebréope: “okaru ne akã korónare”.
^ Péva hína peteĩ kanál osẽva pe Rrío Nílogui.
^ Hebréope: “Rejahúramo jepe sódape ha reipurúramo jepe heta lehía”. Sóda hína peteĩ sustánsia kímika réra.
^ Térã: “ohekávo pe hiʼálma oipotáva”.
^ Hebréope: “iméspe”.
^ Térã: “fáha”.
^ Térã: “umi inosénte ha imboriahúva álma”.
