Jeremías 20:1-18
20 Upéi pe saserdóte Pasjur, haʼéva Imer raʼy, ha peteĩ omanda guasúva Jehová rógape, ohendu hína kuri Jeremías oprofetisárõ guare koʼã mbaʼe.
2 Upémarõ Pasjur oinupã proféta Jeremíaspe ha omoĩ chupe sépope,*+ pe lugár oĩháme Benjamín Rokẽ Ijyvatevéva, ha oĩva Jehová róga ypýpe.
3 Péro al día sigiénte Pasjur oguenohẽ Jeremíaspe pe sépogui, ha Jeremías heʼi chupe:
“Jehová nanerenoivéima Pasjur, síno Oporomongyhyjéva Opárupi.+
4 Jehová heʼi rupi péicha: ‘Che romongyhyjéta ndéve ha enterove ne amigokuérape, ha nde rehecháta mbaʼéichapa umi iñenemigokuéra ojuka chupekuéra espádape.+ Antregáta Judá kompletoite pe rréi de Babilonia poguýpe, ha haʼe ogueraháta chupekuéra prisionéroramo Babilóniape ha ojukáta chupekuéra espádape.+
5 Ha ameʼẽta umi iñenemigokuérape kompletoite umi rrikésa oĩva ko siudápe, entéro mbaʼe orekóva hikuái, umi mbaʼe iporãva ha hepýva, ha kompletoite umi tesóro orekóva umi rréi de Judá.+ Haʼekuéra osakeáta koʼã mbaʼe ha ogueraháta Babilóniape.+
6 Ha nde katu Pasjur, ha enterove oikóva nde rógape pehopaitéta prisionéroramo. Rehóta Babilóniape ha upépe remanóta, ha reñeñotỹta umi ne amigokuérandi, pórke reprofetisa chupekuéra japu memete’”.+
7 Jehová, nde ningo chembotavy, ha che katu roguerovia.
Nde rehechauka nembareteveha chehegui, ha regana.+
Oiko chehegui peteĩ mbaʼe umi hénte oñembohoryha tódo el día,enterove ningo oñembohory cherehe.+
8 Pórke añeʼẽ jave ne ñeʼẽre, asapukái vaʼerã ha haʼe:
“¡Oikóta ñorairõ ha ñehundi!”.
Jehová ñeʼẽ káusare che ajetrata vai ha enterove oñembohory cherehe tódo el día.+
9 Upémarõ che haʼe: “Nañeʼẽmoʼãvéima hese,ni nañeʼẽmoʼãvéima hérape”.+
Péro che korasõme pe iñeʼẽ haʼete voi tatarendy oĩva che kangue kuápe,ha chekaneʼõma ajejoko hague,ha ndaikatuvéima aaguanta.+
10 Ahendu heta ñeʼẽ rei ivaíva,pe situasión ivaieterei ha chemongyhyje.+
“¡Pedemanda chupe, ñademanda katu chupe!”.
Enterove umi kuimbaʼe oĩ porã guaʼúva chendive, opeska hína cherehe jahecha ndajapóipa mbaʼe vai,+ ha heʼi:
“Ikatu mbaʼéko ojavy hína oñembotavy rupi chupe,ha ñaganáta chupe ha ñañevengáta hese”.
11 Péro Jehová oĩ chendive peteĩ gerréro ipoderóso ha oporomongyhyjévaicha.+
Upévare umi chepersegíva oñepysangáta ha noganamoʼãi.+
Oñemotĩta hikuái, pórke nosẽporãmoʼãi mbaʼevépe.
Haʼekuéra pára siémpre oñemotĩta ha avave ndahesaraimoʼãi upévagui.+
12 Péro nde Jehová, umi ehérsito yvagapegua ruvicha, rehesaʼỹijo hína pe ihústovape,nde rehecha umi pensamiénto ipypukuvéva* ha enterove korasõ.+
Epermitína chéve tahecha reñevengávo hesekuéra,+pórke ndéve antrega che provléma resolusiona hag̃ua.+
13 ¡Pepurahéi Jehovápe! ¡Pemombaʼeguasu Jehovápe!
¡Pórke umi imboriahúvape* haʼe osalva umi mbaʼe vai apohágui!
14 ¡Toñemaldesi pe día anase hague!
¡Anítei oñevendesi pe día che sy cheguereko hague!+
15 Toñemaldesi pe kuimbaʼe ogueru vaʼekuépe notísia porã che rúpe, ha heʼi chupe:
“¡Onaséma nde raʼy, peteĩ mitãkuimbaʼe onase ndéve!”.
Ha péicha ombovyʼaiterei chupe.
16 Upe kuimbaʼe tojogua umi siuda Jehová oitypa vaʼekuépe ombyasyʼỹre.
Tohendu osapukáiva pyhareve, ha asajekue* pe señál ryapu ojeho hag̃ua gerrahápe.
17 ¿Mbaʼére piko ndachejukái raʼe che sy retepýpe,ikatu hag̃uáicha añeñotỹ che sy retepýpenteha péicha haʼe núnka naimembymoʼãi kuri?*+
18 ¿Maʼerã piko asẽ rakaʼe che sy retepýgui,ahecha hag̃ua provléma ha vyʼaʼỹ,ha ñemotĩme amohuʼã hag̃ua che rekove?+
Nóta
^ Térã: “umi mbaʼe ipypukuvéva oñandúva”. Hebréope: “umi rriñón”.
^ Térã: “pe imboriahúva álma”.
^ Térã: “mediodiakue”.
^ Hebréope: “haʼe siémpre hyeguasu hag̃ua”.