Sofonías 3:1-20
3 Heta ohasa asýta Jerusalén, pe siuda ningo ikyʼa Ñandejára renondépe, irrevélde ha ojahéi umi hénte upepeguáre.+
2 Ko siuda nohenduséi ojeʼéva chupe,+ ndoaseptái ojekorrehi jave chupe,+ndojeroviái Jehováre+ ha noñemoag̃uíri Ijárare.+
3 Umi governadór upepegua ojogua umi león okororõvape.+
Umi hués katu ojogua umi lóvo osẽvape pyharekue,haʼekuéra nomohembýi ni peteĩ kanguekue pyhareve g̃uarã.
4 Umi profetakuéra ojekreeterei ha itraisionéro.+
Umi saserdóte upepegua ndorrespetái umi mbaʼe sagrádova,+haʼekuéra nopenái pe léi heʼívare.+
5 Jehová ihústo ha oĩ vaʼekue upe siudápe,+ haʼe ndojapói mbaʼeve ivaíva.
Káda pyhareve koʼẽ jey ha hesakãmba,péicha avei káda pyhareve haʼe ohechauka ihustoha.+
Umi inhústo katu notĩri voi hembiapokuére.+
6 “Che ahundi vaʼekue heta tetãme, umi tórre oĩva umi murálla eskínape opyta nandi vera.
Ahundipa umi kálle pono avave ohasave upérupi.
Umi siuda opyta desástre, ni peteĩ persóna nahembýi upérupi.+
7 Che haʼe kuri pe siudápe: ‘Pecherrespetána ha peasepta pokorrehi jave’.+
Che haʼe kuri upéicha pono pe siuda oñehundi,+che akastiga vaʼerã chupe entéro umi ipekádore,péro upépe ae katu haʼe ojapo heta mbaʼe vai.+
8 Jehová heʼi: ‘Pesegi pehaʼarõ cherehe ha pehechauka penepasiensiaha,+pesegi péicha pe día che aju peve asakea chupekuéra.
Pórke che adesidi ambyaty umi tetã ha umi rréinoakastiga hag̃ua chupekuéra, che ahechaukáta chepochyetereiha,+che chepochyeterei, ha upéva haʼetéta peteĩ tata ohapýtava opa mbaʼe oĩva ko yvy ape ári.+
9 Upe tiémpope, che ameʼẽta umi puévlope peteĩ idióma pyahu, peteĩ ipotĩva,ikatu hag̃uáicha enterovéva omombaʼeguasu che réra Jehová,péicha haʼekuéra cheadoráta peteĩ ñeʼẽme’.+
10 Che puévlo isarambipa vaʼekue ojerure asy chéve ajúda,haʼekuéra oúta Etiopía guive, umi rrío oĩhágui, ha oguerúta chéve peteĩ rregálo.+
11 Nde ningo rejapo vaʼekue heta mbaʼe reñemoĩ hag̃ua cherehe,+péro upe tiémpope natekotevẽmoʼãvéima retĩ.
Pórke che aipeʼáta pende apytégui umi oñemombaʼeguasúvape,ha ndereikomoʼãvéima reñembotuicha che montáña sagrádape.+
12 Che, Jehová, ahejáta umi hénte iñumíldeva ha ndaijejapóiva opyta nde siudápe,+ha haʼekuéra oñemoag̃uíta cherehe aprotehe hag̃ua chupekuéra.
13 Umi hénte hembýva Israélgui+ ndojapomoʼãi mbaʼeve ivaíva,+ndaijapumoʼãi ha nombotavymoʼãi avavépe.
Umi ovecháicha haʼekuéra oñenóta ha okarúta ha avave nomongyhyjemoʼãi chupekuéra”.+
14 Siuda de Sion, ¡esapukái vyʼágui!
Israel, ¡hatã esapukái!+
Siuda de Jerusalén,+ ¡evyʼa nde pyʼaite guive!
15 Jehová oipeʼáma ndehegui umi kastígo ou vaʼekue nde ári.+
Haʼe ombodiparáma ne enemigokuérape,+Jehová hína Israel rréi, ha haʼe oĩ nendive.+
Natekotevẽvéima rekyhyje mbaʼeve ivaívagui.+
16 Upe díape ojeʼéta Jerusalénpe:
“Ani rekyhyje siuda de Sion.+
Aníkena nekangy.
17 Jehová nde Jára oĩ nendive.+
Haʼe ningo ipoderóso ha haʼe ndesalváta.
Haʼe ovyʼaitereíta ndereheve.+
Haʼe ningo ohechaukáta nderayhuha, ha upéva ombovyʼáta chupe.
Haʼe ovyʼáta ndereheve.
18 Siuda de Sion, che ambyaty jeýta umi oñembyasýva ndaikatúi haguére oĩve umi fiésta ojejapóvape nde siudápe,+ojegueraha chupekuéra ótro paíspe ha upépe oñemotĩ chupekuéra.+
19 Upe tiémpope che akastigáta enterove umi penembohasa asývape.+
Che asalváta umi ikarẽvape,+ha ambyaty jeýta umi isarambipa vaʼekuépe.+
Koʼág̃a ojerrespetáta ha oñemombaʼéta che puévlope umi tetã yma oñemotĩ haguépe chupekuéra.
Che ajapóta koʼã mbaʼe.
20 Upe tiémpope che pogueru jeýta,upe tiémpope che pombyaty jeýta.
Enterove umi hénte oĩva ko yvy ape ári penderrespetáta ha penemombaʼéta.+
Peẽ pehecháta che agueru jey vove umi ojegueraha vaʼekuépe prisionéro”, péicha heʼi Jehová.+
