Zacarías 13:1-9
13 “Upe díape ojejoʼóta peteĩ póso David rogayguápe g̃uarã ha umi oikóvape g̃uarã Jerusalénpe, ikatu hag̃uáicha oñemopotĩ chupekuéra pekádo ha mbaʼe kyʼágui.+
2 Upe díape”, heʼi Jehová, umi ehérsito yvagapegua ruvicha, “ahundíta umi dios raʼanga ko yvy ape árigui,+ ha avavéma naimanduʼamoʼãvéi hesekuéra, ha aipeʼáta ko yvy ape árigui umi proféta+ ha pe podér oúva umi demóniogui.*
3 Ha peteĩ kuimbaʼe oprofetisa jeýramo, itúa ha isy ogueru vaʼekue chupe ko múndope heʼíta: ‘Remanóta, pórke ere eikóvo japu Jehová rérape’. Ha pe isy ha itúa ogueru vaʼekue chupe ko múndope oikutúta chupe espádape umi mbaʼe oprofetisa vaʼekuére.+
4 Upe díape káda uno umi proféta otĩta umi visión omombeʼúvare oprofetisa jave, ha nomondemoʼãi hikuái umi ao oipurúva umi proféta+ oporombotavy hag̃ua.
5 Ha haʼe heʼíta: ‘Che ndahaʼéi proféta. Che ningo peteĩ kokueséro, pórke peteĩ karai chejogua vaʼekue ijesklavorã chemitãrõ guare’.
6 Ha oĩramo oporandúva chupe: ‘¿Mbaʼéicha rupi piko reguereko koʼã erída ne lómore?’.* Haʼe heʼíta: ‘Añelastima kuri che amigokuéra* rógape’”.
7 “Espáda, epuʼã che pastór kóntrape,+pe kuimbaʼe chemoirũva kóntrape”, heʼi Jehová, umi ehérsito yvagapegua ruvicha.
“Aatakáta pe pastórpe,+ ha umi ovecha isarambipáta,+ha akastigáta umi ndahaʼéivape mbaʼeve”.
8 Jehová heʼi: “Ko yvy tuichakuére,la majoría umi héntepe ojejukáta ha oñehundíta,*
ha unos kuántonte hembýta ha opytáta ko yvy ape ári.
9 Pe óro ha pláta oñembohasaháicha tatárupi oñemopotĩ hag̃ua,+péicha avei ajapóta umi hembývareha ahejáta chupekuéra potĩ asy.
Haʼekuéra oipurúta che réra oñemboʼe jave,ha che akontestáta chupekuéra.
Che haʼéta: ‘Haʼekuéra ningo che puévlo’,+
ha haʼekuéra heʼíta: ‘Jehová ningo ore Jára’”.
Nóta
^ Térã: “pe espíritu kyʼa”.
^ Térã: “nde atiʼy paʼũme”. Ikatu hína ipéchore avei.
^ Térã: “umi cherayhúva”.
^ Térã: “omanóta”.
