Apocalipsis 16:1-21
16 Ahendu peteĩ oñeʼẽva pe témplogui*+ ha heʼi hatãva umi 7 ánhelpe: “Tapeho peñohẽ pe yvy ári umi 7 mbaʼyru orekóva Ñandejára pochykue”.+
2 Pe primer ánhel oho ha oñohẽ imbaʼyru pe yvy ári.+ Upémarõ ojagarrapa kuru vai+ hasyetereíva entéro umi persóna orekóvape pe animál salváhe+ márka ha oadoráva pe haʼangápe.+
3 Pe segundo ánhel oñohẽ imbaʼyru márpe.+ Ha pe márgui oiko tuguy,+ haʼete peteĩ kuimbaʼe ojejuka vaʼekue ruguy, ha entéro mbaʼe oikóva* márpe omano.+
4 Pe tercer ánhel oñohẽ imbaʼyru umi rrío ha yvukuérape,+ ha umívagui oiko tuguy.+
5 Ahendu pe ánhel orekóva autorida odomina hag̃ua umi y heʼiha: “Ñandejára, nde ningo nderefallái+ nde puévlope. Nde reexisti koʼág̃a, ha reexisti vaʼekue yma,+ nde rehechauka ndehustoha pórke redesidi oiko vaʼerãha koʼã mbaʼe.+
6 Haʼekuéra oñohẽ kuri umi ojeporavo vaʼekue* ha umi proféta ruguy,+ ha upévare nde remeʼẽ chupekuéra tuguy hoʼu hag̃ua.+ Añetehápe omerese+ hikuái upéva”.
7 Ha ahendu peteĩ oñeʼẽva pe altárgui ha heʼíva: “Si, Jehová,* nde ningo Ñandejára Todopoderóso,+ ha umi mbaʼe redesidíva rehusga jave, siémpre ihústo ha ikatu jajerovia hese”.+
8 Pe cuarto ánhel oñohẽ imbaʼyru pe kuarahýre,+ ha pe kuarahýpe oñemeʼẽ permíso ohapy hag̃ua umi héntepe.
9 Hakueterei rupi, umi hénte okaipa. Péro haʼekuéra noñarrepentíri, síno oñeʼẽ vai Ñandejára rérare ha nombotuichái chupe. Haʼe hína pe orekóva podér ombou hag̃ua umi kastígo.
10 Pe quinto ánhel oñohẽ imbaʼyru pe animál salváhe tróno ári. Ha irréino iñypytũmba+ ha umi hénte oñepyrũ oisuʼu ikũ pórke hasyeterei chupekuéra pe kastígo.
11 Péro haʼekuéra noñarrepentíri hembiapo vaígui, síno oñepyrũ oñeʼẽ vai Ñandejára yvagapeguáre pórke hasy ha ikurupa hikuái.
12 Pe sexto ánhel oñohẽ imbaʼyru pe rrío guasu Éufrates+ ári, ha pe rrío hypa,+ péicha ojeprepara pe tape ohasa hag̃ua umi rréi+ oúva ésteguio.*
13 Ha ahecha pe dragón,+ pe animál salváhe ha pe proféta japúpe, ha ahecha káda uno jurúgui osẽha peteĩ profesía kyʼa* ojoguáva juʼípe.
14 Koʼã profesía añetehápe ou umi demóniogui,+ ha entéro umi rréi ko yvy arigua ohendu umíva. Koʼã profesía ojapo señál ombyaty hag̃ua umi rréipe pe gerrarã+ oikótava Ñandejára Todopoderóso+ ára guasúpe.
15 Upéi ahendu peteĩ oñeʼẽva ha heʼíva: “Aju peteĩ mondaháicha.+ Ovyʼa pe persóna ndokéiva+ ha siémpre oñatende porãva ani hag̃ua ojepeʼa chugui ijao, pono umi hénte ohecha chupe opío ha haʼe opyta otĩ”.+
16 Ha koʼã profesía ombyaty umi rréipe pe lugár héravape idióma hebréope Armagedón.*+
17 Pe séptimo ánhel oñohẽ imbaʼyru pe yvytu ári. Upéi oñehendu peteĩ oñeʼẽva pe tróno oĩvagui pe témplope,*+ ha heʼi hatãva: “¡Oikopáma!”.
18 Upéi osunu, overa ha ahendu unos kuánto oñeʼẽva. Oiko avei peteĩ yvyryrýi tuichaitereíva ha ojagarrapáva hetaiterei lugár, peichagua yvyryrýi neʼĩrava oiko ojejapo guive yvyporakuérape ko yvy ape ári.+
19 Pe siuda guasu+ oñembojaʼo mbohapy hendápe, ha oñehundi umi siuda oĩva umi tetãme. Ha Ñandejára imanduʼa Babilonia Guasúre+ omeʼẽ hag̃ua chupe pe kópa oĩháme pe víno orekóva ipochykue.+
20 Avei entéro umi ísla odesaparese ha umi montáña ndojetopái mamove hendápe.+
21 Ha hoʼa yvágagui amandáu guasu, káda uno oreko 20 kílorupi.* Umi amandáu hoʼa umi hénte ári,+ ha umi hénte oñeʼẽ vai Ñandejárare pe amandáu káusare,+ pórke ohundi entéro mbaʼe.
Nóta
^ Upéva hína pe lugár hérava Santísimo oĩva pe témplope.
^ Térã: “álma”.
^ Griégope: “umi sánto”.
^ Griégope: “kuarahyresẽguio”.
^ Griégope: “espíritu ikyʼáva”.
^ Griégope: “Har Maguedón”. Ou peteĩ palávra hebrea heʼisévagui “Montáña de Meguidó”.
^ Upéva hína pe lugár hérava Santísimo oĩva pe témplope.
