Ezequiel 19:1-14
-
Músika jaheʼo oñeʼẽva umi kuimbaʼe iñimportántevare oĩva Israélpe (1-14).
19 “Epurahéi vaʼerã peteĩ músika jaheʼo oñeʼẽva umi kuimbaʼe iñimportántevare oĩva Israélpe,
2 ha ere:
‘¿Mbaʼeichagua piko rakaʼe nde sy? Haʼe vaʼekue peteĩ leóna oikóva umi ótro león apytépe.
Oñeno umi león raʼyrusu imbaretéva apytépe, ha upépe omongakuaa imembykuérape.
3 Omongakuaa peteĩva umi imembykuéra, ha oiko chugui peteĩ león raʼyrusu imbaretéva.+
Haʼe oaprende ojagarra hag̃ua hembiʼurã,ha hénte jepe hoʼu.
4 Umi tetãnguéra ohendu oñeñeʼẽha hese, ha haʼekuéra oity chupe peteĩ yvykuápe ha ojagarra chupe,ha haʼekuéra omoĩ itĩre peteĩ gáncho ha ogueraha chupe Egíptope.+
5 Pe leóna ohaʼarõ imembýpe ha ohechakuaa ndaiporiha esperánsa ou jeývo.
Upémarõ ojagarra ótro umi imembykuéra apytégui ha ojapo chugui peteĩ león raʼyrusu imbaretéva.
6 Haʼe oiko avei umi ótro león apytépe, ha oiko chugui peteĩ león raʼyrusu imbaretéva.
Haʼe oaprende ojagarra hag̃ua hembiʼurã, ha hénte jepe hoʼu.+
7 Ojere oikóvo umi tórre isegúro porãvare, ha omonandi umi isiudakuéra,upévare haʼe okororõ jave oñehendu opárupi pe país opyta vaʼekuépe nandi.+
8 Umi tetã oĩva umi distríto oĩvape ijerére ou ikóntrape opoi hag̃ua hiʼári irréd.
Ha ojagarra chupe hikuái pe yvykuápe.
9 Peteĩ gánchope oitira chupe hikuái itĩgui ha omoinge peteĩ háulape, ha ogueraha pe rréi de Babilonia rendápe.
Upépe omboty chupe hikuái peteĩ lugárpe anivéma hag̃ua oñehendu Israel montañakuérare okororõ jave.
10 Nde sy ningo ojogua vaʼekue peteĩ parrál máta* oñeñotỹvape+ y ykére.
Heta hakã ha heta hiʼa oĩ rupi y rembeʼýpe.
11 Upéi oreko heta hakã* imbaretéva, ikatúva ojepuru ojejapo hag̃ua vastón umi governántepe g̃uarã.
Okakuaa ha tuichave umi ótro yvyramátagui,ha ojehecha voi chupe ijyvateterei ha hakã heta rupi.
12 Ha pochy reheve ojehapoʼo+ ha ojejapete pe yvýre,ha peteĩ yvytu oúva ésteguio ombopiru hiʼa.
Umi hakã imbaretéva ojepeʼapa chugui ha ipirupa,+ ha okaipaite tatápe.+
13 Koʼág̃a pe parrál máta oñeñotỹ pe desiértope,peteĩ yvy ndaiporihápe y ha iséko verávape.+
14 Ha pe hakãgui* okorre pe tata ha ohapypa umi hokykue ha umi hiʼa,ha ndopytái hese ni peteĩ hakã imbaretéva, ni peteĩ ikatu vaʼerã ojepuru ojejapo hag̃ua vastón umi governántepe g̃uarã.+
Péva peteĩ músika jaheʼo, ha oikóta chugui peteĩ purahéi músika ojekuaátava opárupi’”.
