Job 11:1-20
11 Upémarõ Zofar,+ pe naamatita,* heʼi:
2 “Rohendu rire koʼã mbaʼe ere vaʼekue, ndaikatúi rokirirĩ.
¿Reimoʼã piko rogueroviáta rejapoha iporãva ere haguérente heta mbaʼe?
3 ¿Omokirirĩta piko la héntepe umi vyrorei eréva?
¿Reimoʼã piko avave nandekorrehimoʼãi reñembohory haguére ótrore?+
4 Ndéngo eiko ere: ‘Che haʼéva* oĩ porã,+ha chepotĩ Ñandejára resa renondépe’.+
5 Aipotaite Ñandejára oavri ijuruha oñeʼẽ ndéve.+
6 Upéicharõ haʼe omombeʼúta ndéve umi sekréto nepytyvõtava nearandu hag̃ua.
Pe añetehápe iñarandúva ontende heta mbaʼe.
Upéicha repilláta Ñandejára operdonánte hague hetave mbaʼe vai rejapo vaʼekue.
7 ¿Nde piko ikatu reikuaapa Ñandejára arandu?
Mbaʼéicha guaʼu piko nde repillapáta opa mbaʼe ojapóva pe Todopoderóso.
8 Pe arandu ningo ijyvateve yvágagui,ha ipypukuve pe Sepultúragui,* ¿moõ voi piko nde rentendéta?
9 Ñandejára arandu ningo tuichaiteve ko yvýguiha tuichave avei pe márgui.
10 Ñandejára oúramo oapresa peteĩ persónapeogueraha hag̃ua trivunálpe, ¿máva piko ojokóta chupe?
11 Pórke haʼe opilla hína peteĩ persóna hovamokõiramo.
Ha haʼe ohechávo ojejapoha álgo ivaíva, ni mbaʼevéicharõ ndohejareimoʼãi.
12 Haʼemíta ndéve álgo: peteĩ vúrro salváhe jepe ikatu imemby peteĩ kuimbaʼe,péro peteĩ arriéro tavy ni mbaʼevéicharõ nontendemoʼãi koʼã mbaʼe.
13 Upévare reprepara vaʼerã ne korasõha reñemboʼe* vaʼerã Ñandejárape.
14 Oiméramo rejapo reikóvo peteĩ mbaʼe vai, ani rejapove.
Ani reheja mbaʼeve ivaíva ojejapo nde rógape.*
15 Pórke upéicha ndereikomoʼãi netindy retĩgui ha reime porãta Ñandejára renondépe,nembaretéta ha nderekyhyjemoʼãi mbaʼevégui.
16 Upérõ nderesaráita ne provlemakuéragui.
Pe y osyryháicha, ohasáta ha nderehechamoʼãvéima.
17 Ndéve g̃uarã káda día omimbíta, pe asajepytégui jepe omimbivéta,iñypytũramo jepe, ndéve g̃uarã haʼetéta voi ku pyharevete mbaʼéva.
18 Nandepyʼapymoʼãi mbaʼeve, pórke oĩ esperánsa ndéve g̃uarã.
Remañáta nde jerére ha opa mbaʼe oĩ porãmbáta, ha reñenóta trankílo porã.
19 Reñenóta ha ndaiporimoʼãi avave nemongyhyje vaʼerã,ha enterovete oñehaʼãta oĩ porã nendive.
20 Péro umi iñañáva ndohechamoʼãi mbaʼeve,haʼekuéra ndoikuaamoʼãi mbaʼéichapa ojesalváta,ha ñemanómante la esperánsa chupekuéra g̃uarã”.+
Nóta
^ Térã: “Naamá desendiénte”.
^ Térã: “che amboʼéva”.
^ Hebréope: “reipyso nde po”.
^ Hebréope: “róga kárpape”.
