Job 17:1-16
17 “Che ndarekovéima fuérsa aikove hag̃ua,koʼág̃a cheraʼarõma che rendag̃ua sementériope.+
2 Umi oñembohorýva+ cherehe chemongorapa,ha che katu aiko ahecha umi mbaʼe vai ojapóva hikuái.
3 Ñandejára, easeptána che garantía ha eguereko nendive,¿máva ótro piko chepopyhýta ha odefendéta che káso?+
4 Nde remokañy umi kuimbaʼe korasõgui pe arandu,+upévare nde nerembotuichái chupekuéra.
5 Peichagua kuimbaʼe ningo heʼi okompartitaha iñamigokuéra ndive umi mbaʼe orekóva,upe aja katu ifamiliakuéra hesa pytũmba ñembyahýigui.
6 Ñandejára káusare umi hénte oñembohorypa cherehe,+haʼekuéra ou ondyvu che rováre.+
7 Umi che resa ningo iñypytũmba ahasa asýgui,+ha che jyva ha che retyma ipoʼipáma.
8 Umi hénte ivuénova omaña cherehe ha ni ndogueroviaséi mbaʼe situasiónpepa aĩ,haʼekuéra orrenega opytávo umi hénte añáre.*
9 Pe ojapóva iporãva siémpre oho tape porãre,+ha pe persóna ivuénova imbareteve rei ohóvo.+
10 Peẽ ikatu peju ha peñepyrũ jey cheataka umi mbaʼe pejéva rupive,péro ni upeichavérõ ni peteĩva ndapehechaukamoʼãi penearanduha.+
11 Mbykýma che raperã,+umi mbaʼe aipotáva ha ajaposéva opa reíma.+
12 Che amigokuéra osegi ijapu heʼi rangue siertogua.*
Haʼekuéra heʼi: ‘Pe lus hiʼag̃uíma’, péro, ¿mbaʼéicha piko pe lus hiʼag̃uíta si che jerére iñypytũmba?
13 Che asegíta ahaʼarõmie ha pe Sepultúragui* oikóta che róga,+che aipysóta che ruparã pe pytũmbýpe.+
14 Haʼéta pe sepultúrape:*+ ‘Nde hína che ru’,
ha umi ysópe: ‘Peẽ hína che sy ha che ermána’.
15 Upéicharõ, ¿mbaʼe esperánsa piko che arekove?+
¿Máva piko opensa oĩha gueteri esperánsa chéve g̃uarã?
16 Che esperánsa ningo opytáta préso pe Sepultúrape,*
upérõ avei che aháne pe yvyguýpe”.+