Job 22:1-30
22 Upéi Elifaz,+ pe temanita, heʼi Jóbpe:
2 “¿Mbaʼépe piko ideprovéchota Ñandejárape peteĩ yvypóra rei?
Térã, ¿reimoʼã piko haʼe oikotevẽtaha peteĩ persóna iñarandúvare?+
3 Nde ndehústoramo jepe, upéva ndoúi ni ndohói Ñandejára Todopoderósope.
Ha siémpre rejapóramo iporãva, ¿mbaʼépe piko upéva ideprovécho chupe?+
4 Oimérõ rerrespeta Ñandejárape,¿mbaʼére piko upéicharõ haʼe ndekastiga ha ndehusga trivunálpe?
5 ¿Ndahaʼéi piko hína rejapo haguére hetaiterei mbaʼe vai,ha resegi rupi siémpre repeka?+
6 Nde rehóntema rejagarra nembaʼerã umi mbaʼe nde rapichakuéra oheja vaʼekue de garantía,ha umi imboriahúvagui katu reipeʼapa ijao entéro ha opyta hikuái po nandi.+
7 Ni ymi neremeʼẽi umi ikaneʼõvapeha umi iñembyahýivape nerembohasái hembiʼurã.+
8 Nde ha umi hénte iplátava pejagarra heta pende yvyrã,+ha peheja umi hénte iñimportánteva añónte oiko upépe.
9 Péro umi viúdape remondo po nandi,ha relastima umi ityreʼỹvape.
10 Upévare ningo rehoha gotyo oĩ umi trámpa,+ha degolpete heta mbaʼe vai nemongyhyje.
11 Upévare iñypytũmba nde jerére ha ndaikatúi rehecha mbaʼeve,ha ama guasúicha umi y ndeahoʼipa.
12 Ñandejára ningo oĩ pe yvága ijyvatevehápe,ha emañamína mbaʼeichaitépa oĩ yvate umi estrélla.
13 Nde katu eiko ere: ‘¿Mbaʼe piko Ñandejára oikuaáta mbaʼeve?
Umi arai tuichaicháva ostorva chupe ohusga porã hag̃ua.
14 Haʼe ndaikatúi ohecha mbaʼeve umi araígui,ha oikónte ojepasea pe yvága ruʼãre’.
15 ¿Nde piko resegíta pe tape vai,yma ojapo haguéicha umi kuimbaʼe iñañáva?
16 Umi kuimbaʼe ningo omano degolpete imitã reheve,haʼete peteĩ óga isimiénto oguerahapa vaʼekue ama guasu.+
17 Haʼekuéra heʼi Ñandejárape: ‘Anive repena orerehe’.
Heʼi avei hikuái: ‘¿Mbaʼe piko ojapóta orerehe Ñandejára Todopoderóso?’.
18 Che aikuaa tuichaiterei ojavyha hikuái. Haʼekuéra voi oñembotavy ijupe.
Péro Ñandejára lomímonte omyenyhẽ hogakuéra heta mbaʼe porãgui.
19 Umi ivuénova ohecháta mbaʼéichapa oñehundi umi iñañáva.
Umi hénte inosénte oñembohorýta hesekuéra ha heʼíta:
20 ‘Oñehundíma ore enemigokuéra,ha tatápe okáita la hembýva chuguikuéra’.
21 Upévare, eñemoag̃uivéna Ñandejárare ha reikóta pyʼaguapýpe hendive,upéicha oho porãta ndéve.
22 Ani remboyke pe léi oúva chugui,ha toĩ siémpre ne korasõme haʼe heʼíva.+
23 Reñemoag̃ui jeýramo Ñandejára Todopoderósore ne situasión okambiáta katuete.+
Nderejapovéiramo ivaíva nde rogapýpe,*
24 remombopárõ nde óro pe yvýpe,ha pe óro iporãvéva*+ jepe remombóramo umi itakuápe,*
25 upéicha Ñandejára Todopoderósohaʼéta ndéve g̃uarã óro ha pláta.
26 Revyʼáta reime porã haguére Ñandejára Todopoderóso ndive,ha kyhyjeʼỹme remañáta hese.*
27 Reñemboʼéta chupe ha haʼe nerendúta,ha nde rejapopáta umi mbaʼe repromete vaʼekue chupe.
28 Redesidíva guive osẽ porãta ndéve,ha siémpre hesakãne nde raperã.
29 Nde reikóramo reñemombaʼeguasu, katuete reñemotĩta,péro neumílderamo Ñandejára ndesalváta.
30 Haʼe ndohejamoʼãi umi hénte inoséntepe,ha oimérõ nderejapói raʼe ivaíva, haʼe katuete ndesalváta”.
Nóta
^ Hebréope: “róga kárpape”.
^ Térã: “óro de Ofir”. Ko lugárgui ojegueru vaʼekue pe óro iporãvéva.
^ Térã: “yrapépe”.
^ Hebréope: “rehupíta nde rova Ñandejára gotyo”.
