Job 24:1-25
24 “¿Mbaʼére piko Ñandejára Todopoderóso nomoĩri peteĩ tiémpo+ ohusga hag̃ua umi iñañávape?
Péicha umi oikuaáva chupe ikatúta ohechakuaa haʼe orekoha hína peteĩ día oporohusga hag̃ua.
2 Umi hénte aña oguerova umi márka oservíva de límite+ ombotuichave hag̃ua ijyvy,ha ogueru ovecha ahéno ha oguereko imbaʼéva apytépe.
3 Haʼekuéra oipeʼa umi ityreʼỹvagui hymba vúrro,ha umi viúdagui katu oipeʼa umi tóro oheja vaʼekue de garantía.+
4 Umi iñañáva nopermitíri umi imboriahúvape ni oguata umi kállere,umi hénte ndorekóiva avave odefende vaʼerã chupekuéra, okañýmante vaʼerã umi iñañávagui.+
5 Umi imboriahúva oheka upérupi hoʼu vaʼerã, ojapoháicha umi vúrro salváhe+ pe desiértore.
Haʼekuéra ojeporeka tembiʼúre omeʼẽ hag̃ua ifamiliakuérape.
6 Haʼekuéra imboriahúgui oho okosecha kokue ahénopeha ombyaty parrál umi iñañáva parraltýgui.
7 Roʼy jave haʼekuéra ndorekói mbaʼeve oñeñuã hag̃ua,opío lénto anga ikoʼẽ hikuái.+
8 Ou jave ama montáña ládogui, haʼekuéra hykuepa,ha oñemoʼã umi itakuápe ndorekóigui moõpa okañýta.
9 Umi iñañáva oipeʼa umi viúda jyva árigui imembyʼi,+ha umi imboriahúvagui ojagarra de garantía ijao,+
10 ha oovliga chupekuéra oiko hag̃ua aoʼỹre, opío lénto.
Ha ñembyahýire oraha hikuái pe okosecha vaʼekue.
11 Umi imboriahúva ombaʼapo jejopy kuarahy akúpe, pe sérrore, umi murálla de piédra paʼũme.
Haʼekuéra ojoso umi parrál ojapo hag̃ua víno, upéicharõ jepe haʼekuéra oho uhéi reheve.+
12 Pe siudápe umi hénte omano mbotáva ipyahẽ,ha umi ojekutu vaipáva ojerure asy oñepytyvõ hag̃ua chupekuéra,+péro Ñandejárape g̃uarã upéva ndaivaíri.
13 Umi iñañáva orrechasa pe lus,+haʼekuéra ndohechakuaái umi hape,ha ndoikoséi upérupi.
14 Koʼẽ mboyve pe asesíno opuʼã,ojuka pe imboriahúvape ha avei ojuka umi ndorekóivape mávapa odefendéta chupekuéra,+ha pyharekue katu, osẽ omonda.
15 Pe oporomoakãratĩva ohaʼarõ oike raẽ kuarahy hembiapo vai hag̃ua,+haʼe omoʼã hova ha heʼi:
‘Avave ndacherechamoʼãi’.+
16 Pytũ rire umi iñañáva ojasuru umi óga ahénope,péro de diakue nosẽi hikuái,pórke noĩseiete voi hesakãháme.+
17 Umi hénte okyhyjeháicha pytũmbýgui, umi iñañáva okyhyje pe kuarahy ohesapévo,haʼekuéra ojepokuaáma oiko pyharekue ha ndokyhyjéi.
18 Péro umi y pyaʼeterei oraháta chupekuéra,umi ijyvy oñemaldesíta,+haʼekuéra ndohechamoʼãvéima iparralty.
19 Séka ha kuarahy aku omboyku pe niéve ha opa,upéicha avei umi pekadór opáta pe Sepultúrape.*+
20 Isy ni naimanduʼamoʼãi hese, ha opytáta yso rembiʼurã.
Avave naimanduʼamoʼãvéima hese.+
Pe iñañáva oñehundíta, ojeityháicha peteĩ yvyramáta.
21 Haʼe otrata vai umi viúdape haumi kuñakarai ndaikatúivape imemby.
22 Upévare Ñandejára oipurúta ipodér ohundi hag̃ua pe omanda guasúvape,haʼe oiko porãramo jepe, ndoikuaái oikove pukútapa térãpa nahániri.
23 Ñandejára opermiti umi iñañáva oiko trankílo porã,+péro haʼe ohechapa la ojapóva hikuái.+
24 Sapyʼaiténte opermiti oñemombaʼeguasu chupekuéra.+
Upéi ojedespresiáta ha omanótante avei hikuái enterove omanoháicha,+trígo rakãicha oñekytĩta chupekuéra.
25 ¿Máva piko heʼíta cherehe chejapuha?
Térã, ¿máva piko ikatu heʼi añeʼẽ reinteha?”.
