Job 33:1-33
33 “Koʼág̃a aipota cherendumi Job,ejapysaka porã opa mbaʼe haʼétavare ndéve.
2 Ndaikomoʼãvéima aguerokirirĩ la apensáva,amombeʼútamante ndéve.
3 Umi mbaʼe che haʼéva osẽ che korasõ ipotĩvagui,+che ningo siertoguánte haʼéta ndéve.
4 Ñandejára cheapo vaʼekue ijespíritu rupive,+ha Ñandejára Todopoderóso podér rupive aikove.+
5 Embohováina ikatúramo la che haʼéva.
Epreparána la erétava redefende hag̃ua la nde káso.
6 Che ningo ndeichaiténte avei Ñandejára renondépe,yvýgui avei ajejapo vaʼekue.+
7 Upévare, ndaipotái rekyhyje chehegui Job,la che haʼétava ndéve nanderejamoʼãi yvýre.
8 Che ahendupaite kuri la nde ere vaʼekue,ha ahendu heta vése ere hague koʼã mbaʼe:
9 ‘Che ningo cherekopotĩ ha ndapekái,+siémpre ajapo iporãva ha mbaʼevetépe ndajavýi.+
10 Péro Ñandejára oheka voi cherehe defékto oñemoĩ hag̃ua che kóntrape,iñenemígoicha voi cherecha.+
11 Haʼe oiko okontrola moõrupipa aha+
ha chekastiga’.*
12 Péro tuichaiterei rejavy Job, upévare haʼéta ndéve peteĩ mbaʼe:
ndaikatúi ningo peteĩ yvypóra oñekompara Ñandejárare, haʼe ningo tuichave ñandehegui.+
13 ¿Mbaʼére piko reiko rejekeha chugui?+
¿Repensa mbaʼe piko haʼe nokontestaiha ndéve umi mbaʼe reikuaaséva?+
14 Ñandejára ningo heta vése oñeʼẽ umi héntepe,ha ndaipóri avave openáva hese,
15 haʼe oñeʼẽ jepi chupekuéra iképe,+umi visión rupive,oke hatãve jave hikuái.
16 Ñandejára oavri chupekuéra ijapysa,+ha ohekomboʼe chupekuéra.
17 Haʼe oipytyvõ pe ohendúvape chupe oheja hag̃ua hembiapo vai,+ha pono oiko ojechaukase.+
18 Péicha Ñandejára osalva chupe* pe sepultúragui,*+
ha ndohejái ojejuka pe kuimbaʼépe espádape.
19 Peteĩ persóna ikatu oaprende heta mbaʼe hasyete jave hupápe,ikangue rasy jave tódo el tiémpo.
20 Upe situasiónpe, opaichagua tembiʼu ombojeguaru chupe,ndahevéi chupe ni umi mbaʼe yma hoʼuseterei vaʼekue.+
21 Haʼe opyta ipiruetereiha koʼág̃a ikangue entéro ojekuaapa,
22 haʼe oho potaitéma pe sepultúrape,*
ojerepa hese umi ojukaséva chupe.
23 Aipotaite umi 1.000 ánhel apytégui peteĩva jepe oipytyvõ pe kuimbaʼépe,ha peteĩva jepe oñeʼẽ ifavórpe,péicha ikatúta ohechauka pe kuimbaʼépe mbaʼépa oĩ porã.
24 Ha Ñandejára osẽta iládo ha heʼíne:
‘Ani reheja omano ha oho sepultúrape,*+
atopa peteĩ osalva vaʼerã chupe.+
25 Pe ikuérpo tahesãive pe imitãrõ guarégui,+taimbarete jey imitãrõ guaréicha’.+
26 Pe kuimbaʼe oñemboʼéta Ñandejárape+ ha haʼe ohendúta iñemboʼe,Ñandejára oguerohorýta chupe ha haʼe ovyʼaitereíta.
Ñandejára oipytyvõta pe kuimbaʼépe oĩ porã jey hag̃ua henondépe.
27 Pe kuimbaʼe heʼíta umi ótro héntepe:
‘Chéngo apeka+ ha ajapo ivaíva,péro Ñandejára cheperdona ha ndachekastigái.
28 Haʼe chesalva* ani hag̃ua aha pe sepultúrape,*+
ha che asegíta aikove’.
29 Ñandejára ningo ojapo koʼã mbaʼe yvypóra rehehápe,ha ndahaʼéi una vénte, síno heta vése.
30 Upéicha rupi osalva upe kuimbaʼépe pe sepultúragui,*
ikatu hag̃uáicha haʼe osegi vyʼápe oikove.+
31 Eñatendemína Job la haʼévare. Cherendumína.
Ekirirĩnte nde, pórke che asegíta añeʼẽ.
32 Péro oimérõ erese algúna kósa, eñeʼẽ katu,pórke che aipota rehechauka nde neinosenteha.
33 Ha ndereguerekóirõ mbaʼeve ere vaʼerã, ikuentave ekirirĩ ha cherendu,pórke che romboʼéta heta mbaʼe nearandu hag̃ua”.
Nóta
^ Hebréope: “yvykuágui”.
^ Térã: “hiʼálma”.
^ Hebréope: “yvykuápe”.
^ Hebréope: “yvykuápe”.
^ Térã: “osalva che álma”.
^ Hebréope: “yvykuápe”.
^ Hebréope: “yvykuágui”.
