Job 34:1-37
34 Upéi Elihú osegi heʼi:
2 “Pejapysakami la haʼétavare, peẽ penearandúva,peñatendéna cherehe, peẽ peikuaáva heta mbaʼe.
3 Pórke ñane kũ otanteaháicha umi tembiʼu,ñande apysa otantea umi palávra.
4 Ñañehaʼãna upéicharõ ñandete voi jahechakuaa mbaʼépa oĩ porã,ha jadesidi mbaʼépa hína la oĩ porãva ko kásope.
5 Job, ndéngo ere kuri: ‘Che haʼéva la oĩ porãva,+péro Ñandejára ndojapói chéve hustísia.+
6 Upéicharõ, ¿chejapu vaʼerã piko ha haʼe namereseiha ajehusga porã?
Ndajapóiramo jepe ivaíva, haʼe ombohetave che sufrimiénto’.+
7 Ndaiporichéne ótro ndeichagua Job,ndéngo rejagarrapa ndejehe la ojeʼéva ha nde jeýnte la resufríva.
8 Ndéngo rejeheʼa meme umi iñañávare,+ha umi hembiapo vaíva koʼág̃a ne amígo.
9 Ha eiko ere: ‘Reiete ñañehaʼã jajapoÑandejárape ogustáva’.+
10 Upévare, peẽ kuimbaʼe pentendéva heta mbaʼe, cherendumína:
ni mbaʼevéicharõ Ñandejára ndojapomoʼãi ivaíva,+Ñandejára Todopoderóso ndaikatúi hembiapo vai.+
11 Ñandejára omeʼẽ enterovépe pe otokáva chupe,+upévare káda uno opaga pe ojapo vaʼekuére.
12 Pórke Ñandejára ni mbaʼevéicharõ naiñañái,+Ñandejára Todopoderóso ihústo hína.+
13 ¿Máva piko omoĩ Ñandejára kárgope ko yvy?
¿Ha máva piko onombra chupe oñatende hag̃ua ko múndo kompletoitére?
14 Ñandejára oñemoĩramo yvyporakuéra kóntrape,ha ombyatýramo umi hénte espíritu ha umi hénte pytu,+
15 upéicharõ yvyporakuéra omanombaitéta,umi héntegui oiko jeýta yvy rei.+
16 Upévare, oimérõ rentende hína la oikóva,eñatendemi cherehe, ha ejapysaka porã ko haʼétavare.
17 ¿Ikatu piko peteĩ iñañáva ogoverna porã?
Peteĩ governánte ojapóramo iporãva, ¿reñanimáta piko rekondena chupe?
18 ¿Eréta piko peteĩ rréipe: ‘Nde nderevaléi mbaʼeverã’?
Térã, ¿eréta piko peteĩ orekóvape autorida: ‘Nde neñañaiterei’?+
19 Ñandejára nosẽi umi orekóva autorida favórpe.
Peteĩchante chupe umi irríkova térã imboriahúva,+pórke enterovéva hembiapokue.+
20 Umi hénte ikatu omano degolpete+ pyharepyte.+
Ha haʼekuéra oryrýi ha okyhyjeterei oñehundíta rupi.
Umi ipoderosovéva jepe hoʼa ha ndahaʼéi peteĩ persóna rupive,+ síno Ñandejára podér rupive.
21 Ñandejára ohechapaite yvyporakuéra ojapóva,+ha oikuaa mbaʼe tapépa káda uno osegi.
22 Umi iñañáva ndaikatúi okañy mamove,ni umi lugár iñypytũháme ndaiporihápe ni peteĩ lus.+
23 Ñandejára ningo nomoĩri avavépe peteĩ tiémpooñepresenta hag̃ua henondépe ojehusga hag̃ua.
24 Ñandejára natekotevẽi oiko oporandu ni oaverigua mbaʼeve ohundi hag̃ua umi ipoderósovape,ni omoĩ hag̃ua ótrope hendaguépe.+
25 Pórke haʼe oikuaapa la haʼekuéra ojapóva,+ha peteĩ pyharépe ohundietéta chupekuéra.+
26 Iñaña haguére hikuái,Ñandejára okastiga chupekuéra enterove renondépe.+
27 Haʼekuéra oheja Ñandejárape ha ndosegivéi pe tape iporãva,+ndoikuaasevéi voi chugui mbaʼevete.+
28 Umi iñañáva káusare umi imboriahúva sokórro ojerure Ñandejárape,ha haʼe ohendu chupekuéra.+
29 Ñandejára odesidíramo okirirĩnte, ¿máva piko ikatu okondena chupe?
Ha haʼe okañýramo, ¿máva piko ohechavéta chupe?
Tahaʼe peteĩ país térã peteĩ persónagui la okañýva, la mísma kósa jeýnte oikóta.
30 Haʼe ojapo upéva ani hag̃ua peteĩ iñañáva* ogoverna,+ha pono ombotavy umi héntepe.
31 Mbaʼére piko nde ere Ñandejárape:
‘Che ndajapói mbaʼeve ivaíva ha nde chekastiga.+
32 Ha oiméramo ajavy, che ndapillái mbaʼépepa.
Ehechaukána chéve, pono ajapove’.
33 Nde ningo repensa Ñandejára ndehusga vai hague, ha koʼág̃a reipota haʼe nevendesi omeʼẽ hag̃ua ndéve gústo.
Nde la redesidíva repensa upéva Ñandejárare, ndahaʼéi che.
Upévare, emombeʼúna chéve mbaʼépa la reikuaáva ajeve repensa siertoha la eréva.
34 Che aikuaa porã oimeraẽ persóna iñarandúva,térã oimeraẽ kuimbaʼe iñentendídova heʼitaha:
35 ‘Job opoi rei reínte la ijurúgui,+nontendéi heta mbaʼe, ha vyrorei la heʼíva’.
36 Aipota Job ohasa heta pruéva ijetuʼúva ha tosufri noaguantavéi peve,pórke haʼe oñeʼẽ kuri umi kuimbaʼe aña ojapoháicha.
37 Ha heʼi heta mbaʼe vai Ñandejára kóntrape,+ha péicha ombohetave la ipekádo,+ha ñane renondépe ojepopete voi oñembohory hag̃ua ñanderehe”.
Nóta
^ Térã: “apóstata”.
