Job 35:1-16
35 Elihú osegi heʼi Jóbpe:
2 “Nde rejeroviaiterei ndejehe ha ere voi:
‘Che chehustove Ñandejáragui’.+
3 Job nde eiko ere: ‘¿Mbaʼépe piko ideprovécho jajapo iporãva?
¿Mbaʼe piko che agana cheñeʼẽrendu haguére?’.+
4 Péro koʼág̃a nde ha ne amigokuéra+
pehendúta la che haʼéva.
5 Aipota Job emañami yvágare umi araíre,+umíva ningo ijyvateve hína ñandehegui.
6 Nde repekáramo, ¿mbaʼéicha upéva operhudikáta Ñandejárape?+
Ha rejapóramo heta mbaʼe vai, ¿mbaʼe piko upéva ojapóta hese?+
7 Ha rejapóramo iporãva, ¿reimoʼã piko péicha reipytyvõha Ñandejárape?
Térã, ¿mbaʼe piko haʼe orresivi ndehegui?+
8 Nde neñañáramo, peteĩ persóna ndeichaguápe la ikatúva reperhudika,ha rejapóramo iporãva, nde rapichakuérape la ou porãtava.
9 Umi hénte sokórro ojerure ojejopy vai jave,haʼekuéra ojerure asy oipotágui ojesalva chupekuéra umi omanda guasúva poguýgui.*+
10 Péro avave ndeʼíri: ‘¿Moõ piko oĩ che Jára, che Apohare Tuichaitéva?+
¿Moõ piko ikatu atopa hese? Haʼe ningo ojapo heta mbaʼe omomýiva umi héntepe opurahéi hag̃ua chupe pyharekue’.+
11 Ñandejára ningo ñanerekomboʼe,+ upévare jaikuaa hetave mbaʼe umi animálgui,+ha upéicha rupi, ñanearanduve umi guyra ovevévagui yvágape.
12 Umi hénte ojerure ajúda, péro haʼe nopenái hesekuéra,+pórke haʼekuéra oñemombaʼeguasu ha iñaña.+
13 Ñandejára nohendúi umi hovamokõivape ojerure asy jave,+Ñandejára Todopoderóso nopenái hesekuéra.
14 Upéicharõ, koʼytevéntema nohendumoʼãi nde rejekeha jave haʼe nopenái haguére nderehe.+
Nde káso ningo oĩma Ñandejára kárgope, upévare ehaʼarõ porãnte vaʼerã haʼe tosolusiona.+
15 Ñandejára nandekastigái ipochykuére,haʼe ndorahái enkuénta umi mbaʼe vai ere vaʼekue repensa porãʼỹre.+
16 Job oavri la ijuru vyrorei heʼi hag̃uánte,oikuaa porãʼỹre, hetaiterei mbaʼe heʼi”.+
Nóta
^ Hebréope: “jyvágui”.