Job 37:1-24
37 “Upémarõ chekorasõ pererepaosẽtarõguáicha che jurúrupi.
2 Pejapysaka porã mbaʼéichapa osunu,haʼete voi Ñandejára oñeʼẽva hína.
3 Pe yvága tuichakuére oñehendu pe arasunu,Ñandejára omondo pe rrájo+ opaha peve ko yvy.
4 Oñehendu peteĩ tyapu guasu,ha ivós osunu hatãiterei,+haʼe oñeʼẽ aja osegi overa.
5 Ñandejára vos osunu ha ndaijojahái,+haʼe ojapo heta mbaʼe iporãitereíva ñande ndaikatúiva ñantendepa.+
6 Ñandejára omanda pe niéve hoʼa hag̃ua ko yvy apére,+ha heʼi ou hag̃ua umi aguaséro ko yvy ape ári.+
7 Péicha jave umi hénte ndaikatúi ombaʼapo,Ñandejára voi ojapo upéva haʼekuéra ohechakuaa hag̃ua umi mbaʼe haʼe ojapo vaʼekue.
8 Umi animál oho oike umi itakuápeha opyta upépe.
9 Pe yvytu atã opuʼã pe oĩhágui ha oñepyrũ oipeju,+ha pe yvytu roʼysã*+ ogueru la roʼy.
10 Ñandejára oipeju ha oñeforma pe iélo,+ha umi y hatã ha oñekonhela.+
11 Haʼe omyenyhẽ ýgui umi arai,ha overapa+ umi araíre.
12 Ñandejára omondo umi arai haʼe oipotaha gotyo,ha umi arai ojapo oimeraẽ mbaʼe haʼe oipotáva.+
13 Ñandejára oipuru umi arai oporokastiga hag̃ua,+omboykue hag̃ua ko yvy, térã ohechauka hag̃ua oporohayhuetereiha.*+
14 Job, ejesarekomína umi mbaʼe porãite Ñandejára ojapóvare,+ejapysaka porãke ko haʼétavare ndéve.
15 ¿Nde piko reikuaa mbaʼéichapa Ñandejára odirihi umi arai?
Térã, ¿mbaʼépa haʼe ojapo pe aratiri overa hag̃ua umi araíre?
16 ¿Reikuaa piko mbaʼéichapa umi arai opyta pe yvágare?+
Koʼãva hína umi mbaʼe iporãitéva ojapóva upe oikuaáva opaite mbaʼe.+
17 Oipeju jave pe yvytu aku,*+ pe yvy oĩ trankiloite,hakueterei ha nde ao nemombyryʼái, ¿mbaʼére piko oiko upéva?
18 Ñandejára ojapo pe yvága+ hatã hag̃ua peteĩ espého de metálcha.
¿Nde piko ikatu rejapo avei upéva?
19 Emombeʼúna oréve mbaʼépa la roʼe vaʼerã Ñandejárape,ore ndaikatúi roʼe mbaʼeve pórke roime pytũmbýpe.
20 ¿Oĩ mbaʼe piko álgo che aikuaáva ha amboʼe vaʼerã Ñandejárape?
Térã, ¿ojeʼe piko peteĩ mbaʼe iñimportantetereíva ha tekotevẽva Ñandejára ohendu?+
21 Ijaraipa jave umi hénte ndaikatúi ohecha pe kuarahy,péro upéi oipeju yvytu ha pe ára ojeavripa,ha hesakã opárupi.
22 Nórteguio ojehecha omimbipaha pe óroicha,Ñandejára podér omimbipáva+ ñanemomýi jarrespeta hag̃ua chupe.
23 Ñande ndaikatúi ñantendepa umi mbaʼe ojapóva Ñandejára Todopoderóso,+haʼe ipoderosoiterei,+ihústo+ ha siémpre ojapo iporãva.+
24 Upévare, enterove okyhyje vaʼerã chugui ha orrespeta vaʼerã chupe.+
Pórke haʼe ni mbaʼevéicharõ nosẽmoʼãi umi oñemoarandu guaʼúva favórpe”.+
Nóta
^ Hebréope: “viénto nórte”. Umi lugár oñeñeʼẽha la Bíbliape, viénto nórte ogueru araroʼy.
^ Hebréope: “viénto sur”. Umi lugár oñeñeʼẽha la Bíbliape, viénto sur ogueru arahaku.
