Job 39:1-30
39 “¿Nde piko reikuaa mbaʼe tiémpopepa imemby umi kavara oikóva umi montáñare?+
¿Rehecháva piko umi guasu imemby jave?+
2 ¿Ikatu piko reikuaa mboy mésepa hyeguasu hikuái?
¿Reikuaa piko arakaʼépa imemby?
3 Haʼekuéra oguapy lénto imemby hag̃ua,ha onasévo imemby, ndosufrivéima.
4 Imemby imbarete voveohóma okakuaa haʼeño pe ñúre ha ndouvéima.
5 Umi vúrro salváhe ningo oiko igustoitépe,+¿máva piko ojora chupekuéra oiko hag̃ua lívre?
6 Che aheja chupekuéra oiko pe desiértore,hogakuéra hína umi lugár nosẽihápe mbaʼeve guasu pe yvy orekógui juky.
7 Chupekuéra ndogustái umi rruído oĩva siudaháre,ni ndaipóri avave osapukái ha oovligáva chupekuéra ombaʼapo hag̃ua.
8 Umi vúrro salváhe orrekorre umi sérro perõre oheka pásto,ojeporeka hikuái oimeraẽ plánta hoʼu vaʼerã.
9 ¿Nde piko repensa ikatutaha remombaʼapo nde gústope pe tóro salváhepe?+
¿Oñembojáta piko haʼe pyharekue pe támbope?
10 ¿Ikatúta piko reñapytĩ peteĩ tóro ñarõme peteĩ júgo guýpeoara hag̃ua nde kokue?
11 ¿Ikatúta piko rejerovia hese imbarete haguérente,ha reheja chupe ojapo hag̃ua umi traváho pohýi?
12 ¿Ikatúta piko reipuru chupe regueroja hag̃ua pe rekosecha vaʼekue?
¿Reipurúta piko chupe rembyaty hag̃ua ne ñemitỹngue pe lugár retrillahápe?
13 Pe ñandu guasu ningo oipyso ha omonguʼe ipepo,péro ipepo ni mbaʼevéicharõ ndaikatúi ñakompara pe siguéña pepóre.+
14 Pe ñandu guasu ningo omboʼa yvýpe,ha oreko hupiʼa pe yvykuʼi akúpe oja peve.
15 Haʼe ndoikói ojepyʼapy umi hénte opyrũrõ g̃uarã hupiʼáre,térã umi animál oikóva upérupi ojokárõ g̃uarã chugui.
16 Ha oja rire, pe ñandu guasu otrata vai imembykuérape, haʼete voi ndahaʼéiva imbaʼe,+ha ndojepyʼapýi hesekuéra.
17 Che namoarandúi voi chupekuéra oikuaa hag̃ua koʼã mbaʼe,upévare itavy hikuái ha ndoikuaái mbaʼeve.
18 Péro pe ñandu guasu oipysóvo ipepo ha odipara,haʼete voi opukáva pe kavaju ha hiʼariguáre, ipyaʼeve rupi.
19 ¿Nde piko rejapo raʼe pe kavajúpe imbarete hag̃ua?+
Pe kavaju odiparávo, iñakãrangue oveve ohóvo, ¿nde piko rejapo chupe péicha?
20 ¿Nde piko rejapo pe kavajúpe opo opo hag̃ua umi tukúicha?
Haʼe hatã orrelincha ha oporomongyhyje.+
21 Oikarãi pe yvy ipy ha ipópe, opopo ápe ha pépe,+ha hatã ogalopea ohóvo gerrahápe.+
22 Ndokyhyjéi mbaʼevégui, opuka voi pe pelígrore,+ndaipóri espáda omboguevíva chupe.
23 Pe flécha ryru opararã ohóvo ilómore,ha umi lánsa katu overa ohóvo pe kuarahy ohesapévo hese.
24 Ohendúvo pe turu pu haʼe ja ohoséntema voi,ndaipóri ojoko vaʼerã chupe.
25 Ipúvo pe turu, hatã orrelincha,haʼete mombyry guive ohetũmava oikoha pe gérra,ohendúvaicha voi mbaʼéichapa osapukái umi komandánte ha umi ohóva gerrahápe.+
26 ¿Ndépa remboʼe avei umi alkónpe oveve hag̃ua?
¿Nde piko ere chupekuéra ojupi hag̃ua yvate gotyo ha oveve hag̃ua pe sur gotyo?
27 ¿Nde piko ere pe ágilape oveve hag̃ua yvágare,+ha ojaitypo hag̃ua yvatete?+
28 ¿Ha ndépa ere chupe oke hag̃ua pe itakuáre,ha oho hag̃ua oiko yvate umi montáña ruʼãre?
29 Haʼe hesapyso hína,yvate guivénte omaña ha oheka hembiʼurã.+
30 Umi ágila raʼy hoʼu umi omanóva ruguykue,ha oĩháme umi teʼongue upépe katuete oĩ hikuái”.+
