Lamentaciones 5:1-22
5 Jehová, nemanduʼamína upe oiko vaʼekuére orerehe.
Emañána ha ehechami mbaʼeichaitépa roñemotĩ.+
2 Ore erénsia oñemeʼẽ umi extráñope, ore rogakuéra katu umi extranhérope.+
3 Ropyta tyreʼỹ tuaʼỹre, ore sy katu opyta umi viúdaicha.+
4 Ore ningo ropaga vaʼerã ore y rehe royʼu hag̃ua,+ ha rojogua vaʼerã avei ore jepeʼa.
5 Umi ore enemígo opyrũ pyrũma ore pytáre.
Orekaneʼõitereíma, péro naoremombytuʼúi hikuái.+
6 Ore rojerovia kuri Egíptore+ ha Asíriare rokonsegi hag̃ua roʼumi vaʼerã.+
7 Umi ore tuakuéra ypykue opeka vaʼekue ningo ndaiporivéima koʼápe, péro ore rogueraha vaʼerã ore apére hembiapo vaikue.
8 Koʼág̃a umi siérvo oregoverna, ndaipóri oresalva vaʼerã chuguikuéra.
9 Roapeligra ore rekove* rogueru hag̃ua ore rembiʼurã,+ oĩ rupi umi ijespádava pe desiértope.
10 Oreñembyahyieterei haguére, orepire akueterei peteĩ tatakua akúicha.*+
11 Ore rembirekokuérape ojeviola* Siónpe, umi kuñataĩme* katu umi siuda de Judápe.+
12 Umi prinsipekuérape oñemosaingo ipógui,+ ha ndojerrespetaiete voi umi kuimbaʼe omoakãvape* umi héntepe.+
13 Umi mitãrusu ogueraha umi molíno de máno, ha umi mitãkuimbaʼe oñepysanga ogueraha haguére jepeʼa pohýi.
14 Umi kuimbaʼe oporomoakãva ndoguapyvéima pe siuda rokẽme,+ ha umi mitãrusu nombopuvéima imúsika.+
15 Ore korasõgui ohóma pe vyʼa, ymave ningo rojeroky vaʼekue, péro koʼág̃a roñembyasy.+
16 Pe koróna hoʼáma ore akãgui. ¡Aichejáranga ore, pórke ropeka kuri!
17 Upéicha rupi ore korasõ rasy,+ore resa iñypytũmba orehegui oiko rupi koʼã mbaʼe.+
18 Pe Sérro Sion opyta rupi nandi,+ koʼág̃a umi aguara okorre upérupi.
19 Nde katu Jehová reguapýta ne trónope pára siémpre.
Nde ningo regovernáta opa ára g̃uarã.+
20 ¿Mbaʼére piko nderesarái vaʼerã orehegui pára siémpre ha areterei orereja rei?+
21 Oregueru jeýna ne rendápe Jehová, ha ore pyaʼe porã roju jeýta ne rendápe.+
Embopyahúna oréve ore rekove roiko jey hag̃ua yma guaréicha.+
22 Péro nde orerrechasaitéma voi.
Nde resegi ndepochyeterei orendive.+
Nóta
^ Térã: “álma”.
^ Hebréope: “tatakua oñemboykuhápe iérro”.
^ Hebréope: “vírhenpe”.
^ Térã: “oñemotĩ”.
^ Hebréope: “ansianokuéra”.
