Oseas 2:1-23
2 “Peje pene ermanokuérape: ‘¡Peẽ ningo che puévlo!’,*+
ha umi pene ermanakuérape peje: ‘¡Peẽ ningo kuña ojeporiahuvereko vaʼekue!’.*+
2 Pedemanda pende sýpe, pedemanda chupe,pórke haʼe ndahaʼéi che rembireko+ ha che ndahaʼéi iména,haʼe ndoikovéima vaʼerã hekovai,*
ha ndoikovéima vaʼerã oporomoakãratĩ.
3 Osino che amboíta chupe ha ahejáta opío vera, oĩ haguéicha upe onaseha díape,ahejáta chupe peteĩ desiértoicha,ajapóta chugui peteĩ yvy iséko veráva,ha ahejáta chupe omano uhéigui.
4 Ha umi imembykuérape ndaiporiahuverekomoʼãi,pórke haʼekuéra onase vaʼekue isy rekovaikuégui.
5 Pórke isykuéra hekovai.*+
Upe oreko vaʼekue chupekuéra hyépe ojapo umi mbaʼe oporomotĩva,+ pórke heʼi:
‘Aháta umi kuimbaʼe iñakãraku vaʼekue cherehe rapykuéri,+umi omeʼẽ vaʼekue chéve che rembiʼurã ha y,che aorã de lána ha de líno, che aseiterã ha víno’.
6 Upévare amongoráta chupe ñuatĩme ha péicha ambotýta chugui hape,ha amopuʼãta peteĩ murálla itáguiani hag̃ua haʼe otopa umi hape.
7 Haʼe odiparáta umi kuimbaʼe iñakãrakúva hese rapykuéri, péro ndohupytymoʼãi chupekuéra.+
Ohekáta chupekuéra, péro ndotopamoʼãi hesekuéra.
Upépe haʼe heʼíta: ‘Aha jeýta che ména ypykuéndi,+pórke upérõ aiko porãve vaʼekue koʼag̃aguágui’.+
8 Haʼe ndohechakuaái kuri che ameʼẽ hague chupe pe trígo,+ víno pyahu ha aséite,ha ameʼẽ hague chupe hetaiterei plátaha óro, umíva haʼe oipuru vaʼekue oadora hag̃ua Baálpe.+
9 ‘Upévare che aju jeýta ha aipeʼáta chugui che trígo ojekosechaha tiémpope,+avei che víno pyahu oñembyatyha tiémpope,ha aipeʼáta chugui umi ao de lána ha de líno ameʼẽ vaʼekue chupe ani hag̃ua ijopío.
10 Ha ahejáta umi kuimbaʼe iñakãrakúva hese ohechapa chugui hiʼórgano sexuál,ha ni peteĩ umi kuimbaʼe ndosalvamoʼãi chupe chehegui.+
11 Aipeʼáta chugui entéro mbaʼe ombovyʼáva chupe,umi ifiésta,+ umi ijasy raʼy, umi isábado, ha kompletoite umi fiésta ojejapóva itiempoitépe.
12 Ha ahundíta chugui umi iparralty ha umi hiʼigoty, umívare haʼe heʼi kuri:
“Koʼãva omeʼẽ vaʼekue chéve umi kuimbaʼe iñakãrakúva cherehe opaga hag̃ua chéve”.
Umívagui ajapóta kaʼaguy,ha umi animál salváhe hoʼupáta umíva.
13 Ha akovráta chupe umi día haʼe ojapo vaʼekuére sakrifísio umi Baálpe,+haʼe oipurúrõ guare umi kuãirũ ha umi adórno oñembochúka hag̃ua, ha odipara umi kuimbaʼe iñakãrakúva hese rapykuéri,ha hesarái chehegui’,+ heʼi Jehová.
14 ‘Upévare akonvenséta chupe,ha agueraháta chupe pe desiértore,ha haʼéta chupe umi mbaʼe opokótava ikorasõre.
15 Upe tiémpo guive ameʼẽ jeýta chupe umi iparralty,+ha Acor Ñu+ rupive haʼe oikéta pe yvy oĩháme esperánsa.
Upépe haʼe orrespondéta chéve pe imitãrõ guaréicha,upe día osẽrõ guaréicha Egíptogui.+
16 Ha upe díape haʼe heʼíta chéve“Che ména”, ha ndeʼimoʼãvéima chéve “Che jára”’,* heʼi Jehová.
17 ‘Napermitimoʼãi chupe osẽ ijurúgui umi Baal réra,+ha avavéma naimanduʼamoʼãvéi herakuérare.+
18 Upe díape ajapóta peteĩ kompromíso umi animál salváhendi,+ha umi guyra ha umi animál otyryrývandi yvýre,+ahundíta ko yvy ape árigui umi árko ha flécha, avei pe espáda ha pe gérra,+ha ahejáta umi héntepe oiko* pyʼaguapýpe ha segúro porã.+
19 Añekomprometéta nendive pára siémpre,ha añekomprometéta ndéve ahechaukataha hustísia ha umi mbaʼe oĩ porãva,rohayhuetereíta* ha roiporiahuverekóta.+
20 Añekomprometéta nendive ha norotraisionamoʼãi,che hína Jehová, ha añetehápe nde chekuaáta’.+
21 Jehová heʼi: ‘Upe díape che arrespondéta,ameʼẽta umi yvágape upe ojeruréva,ha umi yvága omeʼẽta pe yvýpe umi mbaʼe ojeruréva,+
22 ha pe yvy omeʼẽta upe oikotevẽva pe trígope, pe víno pyahu ha pe aséitepe,ha umíva omeʼẽta upe oikotevẽva Jezreélpe.*+
23 Ha añotỹta chupe semíllaicha pe yvýpe chembaʼerã,+che aiporiahuverekóta pe ndojeporiahuverekói* vaʼekuépe,ha umi ndahaʼéivape che puévlo* haʼéta: “Peẽ hína che puévlo”,+
ha haʼekuéra heʼíta: “Nde hína ore Dios”’”.+
Nóta
^ Térã: “hekotieʼỹ, ojeprostitui”.
^ Térã: “hekotieʼỹ, ojeprostitui”.
^ Térã: “Che Baal”.
^ Térã: “oñeno”.
^ Heʼiséva: “Ñandejára oñotỹta semílla”.
