Oseas 4:1-19
4 Puévlo de Israel, pehendu mbaʼépa heʼi Jehová,pórke Jehová oreko peteĩ káso legál umi oikóva ko yvy ape ári kóntrape.+
Pórke ndaipóri iñonéstova ni oporohayhúva,* ha umi hénte ko yvy arigua oiko ndoikuaairõguáicha Ñandejárape.+
2 Umi hénte kontinuadoite ojapo fálso huraménto, ijapu,+ oporojuka,+oporomonda, ha oporomoakãratĩ.+
Ha heta hetave oĩ umi hénte oporojukáva.*+
3 Upévare ko yvy oñembyasy ha ojaheʼóta,+ha enterove umi oikóva pype ikangypáta.
Umi animál salváhe, umi guyra,ha umi pira oĩva márpe jepe omanombáta.
4 “Upéicharõ jepe, aníke ni peteĩ kuimbaʼe oiko vai ni okorrehi pe puévlope,+pórke peẽ pejogua umi oiko vaívape peteĩ saserdótendi.+
5 Peẽ peñepysangáta de diaite,ha pe proféta oñepysangáta avei penendive peteĩ persóna oñepysangaháicha pyharekue,ha ahundíta* pende sýpe.
6 Ahundíta* che puévlope ndachekuaái rupi.
Peẽ ndachekuaaséi rupi,+che avei porrechasáta anive hag̃ua pecheservi che saserdóteramo.
Ha penderesarái haguére che léigui,*+
che avei cheresaráita pende raʼykuéragui.
7 Hetavévo ohóvo umi saserdóte, hetave avei opeka hikuái che kóntrape.+
Amotĩta chupekuéra ambotuicha rangue.*
8 Che puévlo opeka jave haʼekuéra* hoʼu pe soʼo* ha ikyra joa hikuái,ha upévare oipotaiterei* voi opeka umi hénte.
9 Akovráta umi héntepe ha umi saserdótepeumi mbaʼe ojapo vaʼekuére.
Ha akastigáta chupekuéra asegún umi mbaʼe ojapo vaʼekue.+
10 Haʼekuéra okarúta péro nahyg̃uatãmoʼãi,+hekovaíta* péro naifamiliamoʼãi,+pórke nopenái hikuái Jehováre.
11 Tekovai,* víno tuja ha víno pyahu ningoomomýi umi héntepe ojapo hag̃ua ivaíva.*+
12 Che puévlo ombaʼeporandu umi dios raʼanga ojejapóvape yvyrágui,ha ojapo umi mbaʼe heʼíva chupekuéra ivastón.*
Haʼekuéra hekovaise rupi oho tape vaíre,ha hekovai haguére noñemoĩséi Ijára poguýpe.
13 Umi montáña ruʼãme ojapo hikuái sakrifísio,+ha umi sérro ári omotimbo umi sakrifísio,ha ojapo hikuái upéva umi yvyramáta guasu hakã tuicháva* guýpe, ha umi ótro yvyramáta* guýpe ha opaichagua yvyramáta tuicháva guýpe,+pórke umíva isómbra porãiterei.
Upévare umi pende rajykuéra hekovai,*
ha umi pene nuerakuéra oporomoakãratĩ.
14 Ndakastigamoʼãi pende rajykuérape hekovai haguére,ni pene nuerakuérape oporomoakãratĩ haguére.
Pórke umi kuimbaʼe la ohóva umi kuña rekovaíndi,ha ojapo hikuái sakrifísio umi prostitúta* ndive.
Peteĩ puévlo peichagua nontendéiva mbaʼeve+ katuete oñehundíta.
15 Israel, nderekovaíramo jepe,+aníkena nde Judá nerembiapo vai avei.+
Ani peju Guilgálpe+ ni Bet-Ávenpe,+ani pehura: ‘¡Ahura Ñandejára Jehová oikovévare!’.+
16 Pórke peteĩ animál* oñempakaháicha, Israel oñempaka avei.+
¿Ha Jehová piko upéicharõ omongarúta chupekuéra peteĩ ovecha mácho raʼyrusúicha peteĩ pastoty tuichávape?*
17 Efraín omombaʼeterei umi dios raʼanga.+
¡Eheja chupe haʼeño, ejedeha chugui!
18 Opa jave chuguikuéra iservésa,*
haʼekuéra hekovai.*
Umi igovernantekuéra* notĩri hembiapo vai hag̃ua ha ogustaiterei voi chupekuéra upéva.+
19 Peteĩ yvytu ojahoʼi chupe* ipepópe,ha haʼekuéra otĩta umi sakrifísio ojapo vaʼekuére”.
Nóta
^ Hebréope: “oñohẽva hapicha ruguy”.
^ Térã: “amokirirĩta”.
^ Térã: “instruksióngui”.
^ Térã: “Amokirirĩta”.
^ Ikatu avei: “Haʼekuéra chemotĩ chemombaʼe rangue”.
^ Péva hína umi saserdóte.
^ Péva heʼise haʼekuéra hoʼuha umi sakrifísio oofreséva umi hénte ipekadokuérare.
^ Térã: “hiʼálma oipotaiterei”.
^ Térã: “hekotieʼỹetereíta, ojeprostituíta, orekóta rrelasión sexuál heta héntendi”.
^ Térã: “Tekotieʼỹ, jeprostitui”.
^ Hebréope: “oipeʼa ñane korasõ”.
^ Térã: “adivíno vastón”.
^ Hebréope: “rróvle”.
^ Hebréope: “estoráke”. Peteĩ yvyramáta ipoty hyakuã asýva.
^ Térã: “ojeprostitui”.
^ Térã: “prostitúta de témplo”.
^ Hebréope: “vaka”.
^ Hebréope: “peteĩ lugár tuichávape”.
^ Térã: “servésa de trígo”.
^ Térã: “hekotieʼỹeterei, ojeprostitui, oreko rrelasión sexuál heta héntendi”.
^ Hebréope: “Umi eskúdo”.
^ Térã: “oitypeíta chupekuéra”.
