Oseas 5:1-15
-
Ojehusga Efraín ha Judápe (1-15).
5 “Peẽ saserdóte, pehendu ko haʼétava,+peñatendéke peẽ Israel rogaygua,pejapysakáke peẽ peiméva pe rréi rógape,pórke pejehusgáta,pórke peẽ ningo peteĩ ñuhã oĩva Mizpápeha peteĩ rred ojepysóva Tabor ári.+
2 Umi cherejáva* ningo hetaitereípe ojuka,ha che aavisa* hína enterovetépe.
3 Che aikuaa Efraínpe,ha Israel ndaikatúi okañy chehegui.
Koʼág̃a nde Efraín nderekovai,*
ha Israel katu oñemongyʼa.+
4 Umi mbaʼe ojapóva nopermitíri chupekuéra oho jey Ijára rendápe,pórke haʼekuéra hekovaise,+ha nomombaʼéi Jehovápe.
5 Israel oñemombaʼeguasu ha upéva voi ojepuru ikóntrape,*+
Israel ha Efraín oñepysanga umi mbaʼe vai ojapóva rupive,ha Judá oñepysanga avei hendivekuéra.+
6 Umi ijovecha ha hymba vakakuéra reheve, haʼekuéra oho oheka Jehovápe,péro ndotopái hese hikuái.
Haʼe oñemomombyrýma chuguikuéra.+
7 Haʼekuéra ningo otraisiona kuri Jehovápe,+pórke itaʼyrakuéra extranhéro* memete.
Ha koʼág̃a oñehundíta chupekuéra un méspe umi ijyvykuéra reheve.
8 ¡Pembopu peteĩ turu+ Guibeápe, ha peteĩ trompéta Ramápe!+
¡Pesapukái oñepyrũmaha pe gérra Bet-Ávenpe...+ roho hína nde rapykuéri Benjamín!
9 Efraín, pe rejekastigaha díape umi hénte okyhyjéta ohechávo umi mbaʼe vaiete oikóva nderehe.+
Che aikuaaukáma umi trívu de Israélpe mbaʼépa oikóta.
10 Umi prínsipe de Judá ojogua umi oguerovávape ilugárgui umi márka oservíva de límite.+
Ýicha ahykuavóta hiʼarikuéra che pochykue.
11 Efraínpe ojejopy vai, ha omerese voi oñembohasa asy chupe,pórke haʼe ojedesidíma kuri ohotaha iñenemígo rapykuéri.+
12 Upévare che haʼete kuri kupiʼi Efraín kóntrape,ha Judápe ambotuju peteĩ yvyra pedáso itujuháicha.
13 Efraín ohechárõ guare imbaʼasy, ha Judá ohechárõ guare ikuru vai,Efraín oho Asíriape+ ha omondo mensahéro peteĩ rréi ipoderósova rendápe.
Péro upe rréi ndaikatúi kuri penemonguera,ni ndaikatúi oipohãno pende kuru vai.
14 Che ningo haʼetéta peteĩ león raʼyrusu Efraínpe g̃uarã,ha haʼetéta peteĩ león imbaretéva Judápe g̃uarã.
Che voi adeskuartisáta chupekuéra ha upéi aháta,+agueraháta ha ndaiporimoʼãi ikatu vaʼerã osalva chupekuéra.+
15 Che aháta ha aju jeýta che lugárpe, ojekastiga peve chupekuéra umi mbaʼe vai ojapo vaʼekuére,ha upépe ae oipotáta hikuái chembaʼeporã hendivekuéra.*+
Ha ág̃a ohasa asyeterei vove, cherekáta hikuái”.+
Nóta
^ Térã: “Umi apóstata, umi irrevéldeva”.
^ Térã: “akorrehíta”.
^ Térã: “nderekotieʼỹ, rejeprostitui”.
^ Hebréope: “ojehovaʼapi chupe”.
^ Koʼãva oiméne umi hembireko extranhéra memby, ha upévare oĩ hikuái mombyry Ñandejáragui.
^ Hebréope: “ohekáta che rova”.
