Oseas 6:1-11
6 “Peju ha jaha jey Jehová rendápe.
Haʼe ñandedeskuartisa kuri ojapoháicha peteĩ león,+ péro haʼe jey ñanemongueráta.
Haʼe ningo ñanenupã, péro haʼe ojokuáta ñandéve umi ñande erída.
2 Haʼe ñanemoingove jeýta 2 día haguépe.
Ha 3 diahápe ñanemopuʼãta,ha jaikovéta henondépe.
3 Jaikuaáta Jehovápe, ha ñañehaʼãmbaitéta jaikuaa porãve chupe.
Pe kuarahy osẽháicha káda pyhareve, haʼe katuete oúta ñane rendápe.
Haʼe oúta ñane rendápe peteĩ aguaséroicha,pe ama primaverapegua omboykueháicha pe yvy”.
4 “¿Mbaʼéiko ajapóta ndehegui Efraín?
¿Mbaʼéiko ajapóta ndehegui Judá?
Pe mborayhu añete* pejéva perekoha ningo haʼete serrasón pyharevegua,ojogua pe ysapýpe, opáva sapyʼaitépe.
5 Upévare potrosáta umi proféta rupive,+pojukáta umi mbaʼe haʼéva rupive.+
Pohusgáta, ha upéva hesakãta pe lus ohesapeháicha.+
6 Pe mborayhu añete* la chembovyʼáva, ndahaʼéi umi sakrifísio,ha tojekuaa Ñandejárape, ojejapo rangue umi ofrénda ojehapypaitéva.+
7 Péro haʼekuéra ojogua umi kuimbaʼe pekadórpe ha nokumplíri pe kompromíso.+
Ko lugárpe haʼekuéra chetraisiona.
8 Galaad ningo peteĩ puévlo henyhẽtéva mbaʼe vai apohágui,+upe siuda henyhẽte umi oporojukávagui.*+
9 Umi grúpo de saserdóte haʼete una partída mondaha opeskáva hína peteĩ kuimbaʼére.
Oporojuka hikuái Siquem rapére,+pórke haʼekuéra notĩri ojapo hag̃ua umi mbaʼe.
10 Ahecha peteĩ mbaʼe ivaietereíva Israel rógape.
Upépe Efraín hekovai hína,+ha Israel oñemongyʼáma.+
11 Ndéve katu Judá, peteĩ kosécha tiémpo ojepreparáma ndéve g̃uarã,upéva ajapóta ág̃a ambyaty jey vove che puévlo ojegueraha vaʼekuépe prisionéroramo”.+
