Proverbios 13:1-25
13 Pe taʼýra iñarandúva oasepta itúa okorrehi jave chupe,+péro pe oñemombaʼeguasúva* nohenduséi la ojeʼéva chupe.+
2 Umi mbaʼe heʼíva peteĩ persóna ikatu oipytyvõ chupe orresivi hag̃ua iporãva,+umi itraisionérova katu ivaívante ojapose.
3 Pe oñatendéva la heʼívare oikove pukúta,+péro pe ndojokokuaáiva ijuru oñehundíta.+
4 Pe iñateʼỹva ojedeseapa rei péro haʼe* ndohupytýi mbaʼeve,+pe ikyreʼỹva* katu hetaiterei mbaʼe ohupytýta.+
5 Pe ihústova ndochaʼeiete voi umi japúre,+pe iñañáva ojapóva oporomotĩ ha ogueru heta provléma.
6 Pe ndojapóiva mbaʼeve ivaíva ihústo ha upéva oprotehe chupe,+péro pe iñañávape ohundíta hembiapokue.
7 Oĩ umi heʼíva iplataha péro ndorekói mbaʼeve,+ótro katu heʼi imboriahuha péro ipláta heta.
8 Pe iplátava ikatu opaga pono ojejuka chupe,*+
péro pe imboriahúvape avave ni noamenasái pórke ndorekói mbaʼeve.+
9 Pe ihústova lus omimbi ha ombovyʼa chupe,+péro pe iñañáva lámpara oguéta.+
10 Umi oñemombaʼeguasúva katuete oike provlémape,+umi iñarandúva katu ojerure konsého.+
11 Umi hénte sapyʼaitépe irríkova pyaʼeterei operdepa jeýta ipláta,+péro pe ombyatýva ohóvo* pláta mbeguekatúpe irríkota.
12 Ñanemokorasõ rasy ningo otarda jave álgo ñahaʼarõitereíva,+péro oiko vove pe ñahaʼarõva, haʼete peteĩ yvyramáta omeʼẽva vída.+
13 Oimeraẽ persóna omboykéva umi léi, katuete osufríta,+péro pe omombaʼéva umi mandamiénto orresivíta heta mbaʼe porã.+
14 Pe iñarandúva omboʼéva* haʼete peteĩ ykua oporomoingovéva,+umíva oipytyvõ umi héntepe ani hag̃ua oñehundi.
15 Pe persóna iñentendídovape ojeguerohory,péro umi itraisionérovape nohaʼarõi mbaʼeve iporãva.
16 Pe persóna iñarandúva ojasegura porã raẽ la ojapótavare,+péro pe itavýva ohechauka voi itavyha.+
17 Pe mensahéro iñañáva ogueru heta provléma,+péro pe mensahéro de konfiánsa ogueru vendisión.+
18 Pe ndoipotáiva ojekorrehi chupe oñemotĩta ha opytáta imboriahu,péro pe ohejáva ojekorrehi chupe, pévape oñemombaʼéta.+
19 Ombovyʼaiterei peteĩ persónape oiko vove pe ohaʼarõva,+pe itavýva katu ndohejaséi umi mbaʼe vai ojapóva.+
20 Pe oiko meméva umi iñarandúvandi iñarandúta avei,+péro pe oiko meméva umi itavývandi osẽ vaíta.+
21 Umi pekadórpe opersegi umi mbaʼe vai,+péro umi ihústovape siémpre oho porã.+
22 Pe ivuénova oheja erénsia inietokuérape jepe,péro umi pekadór erénsia oñemeʼẽta ihústovape.+
23 Pe imboriahúva yvy oprodusi porã,péro pe inhustísia káusare ikatu degolpete oñehundipa.
24 Pe ndokorrehíriva ifamíliape* ohechauka ndohayhuiha chupe,+péro pe ohayhúva ifamíliape katuete okorrehi chupe.+
25 Pe ihústova okaru hyg̃uatãha meve,+péro pe iñañáva pyʼa katu nandi vera.+
Nóta
^ Térã: “oñembohorýva”.
^ Térã: “hiʼálma”.
^ Térã: “ikyreʼỹva álma”.
^ Térã: “hiʼálmape”.
^ Hebréope: “ipópe ombyatýva”.
^ Térã: “léi”.
^ Hebréope: “ndoipurúiva garróte”.
