Proverbios 17:1-28
17 Ikuentave jaʼu pan atã oĩháme pyʼaguapy,+jaiko rangue peteĩ óga oĩháme hetaiterei tembiʼu* péro ojeiko vaipa.+
2 Pe patrón raʼy ojapóramo vyrorei, haʼe opytáta pe sirviénte iñarandúva poguýpe,ha pe sirviénte orresivíta avei ipatrón raʼykuérandi pe erénsia.
3 Pe óro ha pláta oñemboyku tatápe ipotĩ hag̃ua,+Jehová katu omaña mbaʼépa oĩ káda persóna korasõme.+
4 Pe iñañáva ohenduse voi la mbaʼe vai,pe oporombotavýva ohenduse voi la japu.+
5 Pe oñembohorýva peteĩ imboriahúvare, oñembohory hína Ijapoharére,+ha umi opukáva desgrásia ahénore katuete ojekastigáta.+
6 Umi ijedávape g̃uarã umi iniéto haʼete peteĩ koróna,taʼyrakuéra* katu ijaguara ituakuéra reheve.
7 Umi hénte nohaʼarõi voi peteĩ itavýva heʼi álgo iporãva,+ha koʼytevéntema nohaʼarõi peteĩ governánte ijapu.+
8 Pe rregálo ningo haʼete peteĩ ita vera iporãitereíva ijárape g̃uarã,+oimeraẽ mbaʼe haʼe ojapóva osẽ porãta chupe.+
9 Pe operdonáva hapichápe ohechauka oporohayhuha,+péro oĩ persóna osegíva omombeʼu pe provléma ha ikáusare umi oñoamigoitéva jepe ojesepara.+
10 Peteĩ persóna iñentendídova oaprende hetave mbaʼe una vénte jepe ojekorrehíramo,+péro pe itavýva noaprendéi ni 100 vése oñenupãrõ.+
11 Pe iñañáva oiko omboliga hapichakuérape ojerrevela hag̃ua,upévare umi hénte omondóta peteĩ kuimbaʼe ipyʼahatãvape okastiga hag̃ua chupe.+
12 Peteĩ ósa oheka tarovaitéva imemby, ipeligróso hína,péro ikuentave rejotopa hendive rejotopa rangue peteĩ itavývandi ojapóva vyrorei.+
13 Oimeraẽ opagáva ivaívape hapichápe, ojejapóramo jepe hese iporãva,umi provléma nosẽmoʼãi hógagui.+
14 Umi oikóva omoñepyrũ pléito haʼete oipeʼáva pe varréra ojokóva umi y.*
Repilláramo ojeiko vaitaha, upe mboyve rehóma vaʼerã upégui.+
15 Jehovápe ombojeguaru umi hénte osẽva umi iñañáva favórpe,+ha umi oikóva okondena umi ihústovape.
16 Pe itavýva orekóramo jepe umi mbaʼe oikotevẽva iñarandu hag̃ua,ndaideprovéchoi chupe mbaʼeverã, pórke haʼe noaprendeséi voi mbaʼeve.*+
17 Peteĩ amígo verdadéro nderayhúta tódo el tiémpo,+haʼe ningo ne ermáno oĩva nde ykére rehasa asy jave.+
18 Pe kuimbaʼe ivýrova,* pyaʼe voi oike peteĩ kompromísope,*
ha osẽ de garánte hapicha renondépe.+
19 Umi siémpre ojodiskutiséva hapichándi katuete opekáta.+
Ha pe siémpre oikóva oñembotuicha* oheka hína provléma.+
20 Pe hovamokõiva núnka nosẽporãmoʼãi,+ha pe ijapúva oñehundíta katuete.
21 Pe taʼýra ojeporta vaíva ha ivýrova ombosufri ituakuérape,pe taʼýra ñembotavy káusare itúa oñamarga.+
22 Peteĩ korasõ ovyʼáva, peteĩ pohã ñanemongueráva hína,+péro upe oñeñandúva yvýre, mbeguekatúpe ikangypaite.*+
23 Pe iñañáva oasepta kóima kañyháme,ha péicha omboyke pe hustísia.+
24 Pe iñentendídova siémpre oñehaʼã iñaranduve,péro pe itavýva pensamiénto* oĩ ápe ha pépe.+
25 Pe itavýva ombohasa asy itúape,ha omokorasõ rasy* isýpe.+
26 Ndovaléi ningo ojekastiga umi ihústovape, upéva ivaieterei,ha naiporãi oñemaltrata umi governánte ojapóvape iporãva.
27 Pe kuimbaʼe iñarandúva ojokokuaa la ijuru,+ha pe iñentendídova ipyʼaguapy.*+
28 Pe itavýva okirirĩkuaáramo, ojeʼéta hese iñaranduha,pe ojokokuaávare ijuru ojeʼéta iñentendidoha.
Nóta
^ Hebréope: “sakrifísio”.
^ Térã: “tajyrakuéra”.
^ Térã: “oavríva peteĩ rreprésa”. Hebréope: “oheja okorre pe y”.
^ Hebréope: “ndorekói korasõ”.
^ Térã: “ikorasõme ndorekóiva mbaʼeve iporãva”.
^ Térã: “oipopyhy hapichápe”.
^ Térã: “omboyvatetereíva hóga rokẽ”.
^ Térã: “ikangue sekopa”.
^ Hebréope: “resa”.
^ Hebréope: “oamarga”.
^ Hebréope: “espíritu itrankílo”.
