Proverbios 18:1-24
18 Pe oñemohaʼeñóva opensa ijehénte.
Umi mbaʼe haʼe ojapóva ohechauka naiñaranduiha.
2 Pe itavýva ningo noaprendeséi voi mbaʼeve,síno oikosénte omombeʼu la opensáva.+
3 Peteĩ persóna iñañáramo, katuete umi hénte odespresiáta chupe.
Pe ojapóva ivaíva tuichaiterei oñemotĩta.+
4 Umi mbaʼe heʼíva peteĩ persóna haʼete umi y ipypukúva.+
Pe arandu osẽva chugui osyrýta peteĩ rríoicha.
5 Naiporãi ojeladea umi iñañávape,+síno ojejapo vaʼerã hustísia pe ivuénova rehehápe.+
6 Pe itavýva oñeʼẽ jave, upéva oporomoingo vai hag̃uánte,+ha ijuru ostira voi la garróte.+
7 Pe itavývape ohundi umi mbaʼe heʼíva,+ijuru haʼete voi oitýva chupe* peteĩ ñuhãme.
8 Umi mbaʼe heʼíva pe oñeʼẽ vaíva* hapicháre haʼete umi tembiʼu hetereíva,+pyaʼeterei oñemokõva ha ohóva direktoite ñande pyʼápe.+
9 Pe iñateʼỹva itravahohápehaʼe hína pe mondaha amigoite.*+
10 Jehová réra ningo peteĩ tórre isegúro porãva,+umi ihústova odipara upépe ojeprotehe hag̃ua.*+
11 Pe ipláta hetáva opensa umi mbaʼe orekóva haʼeha peteĩ siuda imurálla yvate porãva,ha oimoʼã irrikésa oprotehetaha chupe peteĩ murállaicha.+
12 Umi oñemombaʼeguasúva ndohopukúi oñemotĩ hag̃ua,+péro umi iñumíldevape upéi oĩta omombaʼéva chupekuéra.+
13 Peteĩ persóna orrespondérõ álgo ohendu porã mboyve la oikóva,ohechauka itavyha ha katuete oñemotĩta.+
14 Peteĩ persóna iñaguánteva ogueropuʼaka porãta imbaʼasy,+¿péro máva piko ikatu oaguanta oñedesanimárõ?+
15 Pe iñentendídova korasõ oñehaʼã oikuaa hetave mbaʼe,+ha pe iñarandúva amás día oaprende hetave mbaʼe.
16 Pe omeʼẽva rregálo oprepara haperã,+upéicha rupi haʼe oikuaáta heta hénte iñimportántevape.
17 Pe omombeʼu raẽva la oiko vaʼekue haʼetévaicha heʼíva siertogua,+péro upéi ou pe ótra persóna ha ojapo heta pregúnta ojekuaa porã hag̃ua upe oiko vaʼekue.+
18 Ojeitýramo suérte opa la pléito,+ha mokõi ipoderósova ojesepara pyʼaguapýpe.
19 Ifasilve rejagarra peteĩ siuda imurallapáva ke la reñemoĩ porã jey peteĩ ne amígo ipochy vaʼekuéndi.+
Umi diskusión ikatu omomombyry umi héntepe ojuehegui, peteĩ okẽ itránka mbaretéva ojapoháicha.+
20 Umi mbaʼe heʼíva peteĩ persóna haʼete umi tembiʼu omyenyhẽva hye,+haʼe katuete oñandúta asegún umi mbaʼe heʼi vaʼekue.
21 Umi mbaʼe jaʼéva ikatu oporojuka térã oporomoingove.+
Umi oipuruetereíva ijuru oaseptámante vaʼerã umi mbaʼe okosechátava la heʼi vaʼekuére.+
22 Pe ojuhúva peteĩ tembireko ivuénava, ojuhu hína peteĩ tesóro.+
Jehová oguerohory chupe.+
23 Pe imboriahúva ojerure asy pe irríkovape oipytyvõ hag̃ua chupe,péro pe ipláta hetáva oñeʼẽ vai guasu chupe.
24 Oĩ amígo ojapóva ivaíva ojoperhudika hag̃ua,+péro oĩ amígo nderayhuvéva ne ermánogui.+
Nóta
^ Térã: “hiʼálmape”.
^ Térã: “okalumniáva”.
^ Hebréope: “ermáno”.
^ Hebréope: “ha ojehupi yvate”. Péva heʼise avave ndohupytyihápe chupe ojesalva hag̃ua.
