Proverbios 4:1-27
4 Che raʼykuéra, pehendúkena pende túa oñemoñeʼẽ jave peẽme,+peñatende porã haʼe heʼívare peneentendído hag̃ua.
2 Che pomboʼéta heta mbaʼe ideprovéchova,ani pemboyke che enseñánsa.*+
3 Che cheñeʼẽrendu vaʼekue che túape,+ha che sy cherayhueterei ha chembojerovia vaʼekue.+
4 Che túa cherekomboʼe vaʼekue ha heʼi chéve: “Eñongatu porãke ne korasõme umi mbaʼe haʼéva ndéve.+
Ejapo siémpre che amandáva ha ikatúta reikove puku.+
5 Eñehaʼãkena nearandu ha neentendído.+
Aníke nderesarái che haʼévagui ndéve ha ani remboyke umíva.
6 Ani remboyke pe arandu, upéva ningo ndeprotehéta,remombaʼe vaʼerã pe arandu, ha upéva oñangarekóta nderehe.
7 Pe arandu ningo pe iñimportantevéva hína,+ upévare reñehaʼã vaʼerã nearandu.
Ha umi mbaʼe rekonsegíva apytépe eñehaʼã vaʼerã avei neentendído.+
8 Remombaʼe vaʼerã pe arandu ha upéva nembotuicháta,+nde pyʼaite guive remombaʼéramo entéro nderrespetáta.+
9 Pe arandu yvotýicha oadornáta ne akã,haʼetéta peteĩ koróna iporãitereíva”.
10 Che raʼy, ejapysakána cherehe ha easepta che konsého,upéicha reikove pukúta.+
11 Che roipytyvõta ikatu hag̃uáicha nearandu,+che rogiáta reho hag̃ua siémpre tape porãre.+
12 Reguata aja rehóvo pe tapére mbaʼeve nandereitymoʼãi,ha rediparáramo katu nereñepysangamoʼãi.
13 Easeptákena rejekorrehi jave, aníkena rerrechasa upéva.+
Remombaʼe vaʼerã umi konsého pórke umíva nepytyvõta reikove hag̃ua.+
14 Ani rejapo umi iñañáva ojapóva,ha ani voi ni reho pe tape vai haʼe oguatahárupi.+
15 Ejere pe tapégui, ani rehasa upérupi,+ejere chugui ha esegi ótro tape.+
16 Umi hénte iñañáva ndaikatúi voi ni oke ndojapóiramo ivaíva.
Haʼekuéra ndohomoʼãi oñeno ndoperhudikái aja hapichápe.
17 Haʼekuéra iñaña ha iviolénto, igustoiterei chupekuéra ojapo ivaíva,upéva haʼete pan ha víno chupekuéra g̃uarã.
18 Péro umi ihústova rape haʼete pe lus ohesapéva pyhareve,hesakã hesakãvéva ohóvo asajepyte peve.+
19 Umi iñañáva rape katu iñypytũmba,upévare ni haʼekuéra ndoikuaái mbaʼépa la omoñepysangáva chupekuéra.
20 Che raʼy, eñatende porãkena che haʼévare,ejapysaka porãkena che konsehokuérare.
21 Ani nderesarái umívagui,eñongatu voi ne korasõme.+
22 Umi oaseptáva koʼã konséhohesãita hete kompletoite.+
23 Heta mbaʼére ningo reñatende vaʼerã, péro pe iñimportantevéva hína reñatende ne korasõre,+pórke nde rekove odepende ne korasõre.
24 Pe japu mombyry reheja vaʼerã nde jurúgui,+ha ani reporombotavy, emboykete voi upéva.
25 Remaña vaʼerã siémpre ne renonderãre,rejesareko porã vaʼerã nde raperãre.+
26 Eipeʼa nde raperãgui umi mbaʼe ikatúva ndereity,+ha ikatúta resegi reguata trankílo porã.
27 Aníke reho nde derécha ni nde iskiérda gotyo,+mombyry reho vaʼerã pe tape vaígui.
Nóta
^ Térã: “léi”.
