Salmos 115:1-18
115 Jehová, ore ningo noromereséi mbaʼeve,ore noromereséi mbaʼeve.
Péro nde réra oñemombaʼeguasu vaʼerã,+ pórke nde siémpre reporohayhueterei* ha nderefallái avavéndi.+
2 Mbaʼéicha piko umi ótro tetã oikóta heʼi orerehe:
“¿Moõ piko oĩ la Idiós?”.+
3 Ore Dios ningo oĩ yvágape.
Haʼe ikatu ojapo oimeraẽ mbaʼe ojaposéva.
4 Péro umi tetã dioskuéra raʼanga ojejapo pláta ha órogui.
Umíva ningo kuimbaʼe rembiapokuénte.+
5 Umi taʼanga ijuru péro noñeʼẽi,+hesa, péro ndohechái.
6 Ijapysa, péro nohendúi,itĩ péro nohetũi mbaʼeve.
7 Haʼekuéra ipóramo jepe, ndaikatúi ojagarra mbaʼeve.
Ipýramo jepe, ndaikatúi oguata.+
Ha ni peteĩ palávra ndaikatúi osẽ ijurúgui.+
8 Umi hénte ojapóva umi taʼanga opytáta haʼekuéraicha,+ha entéro ojeroviáva hesekuéra péicha avei opáta.+
9 Peẽ Israelgua, pejeroviákena Jehováre.+
Haʼe ningo penepytyvõ ha pendeprotehe peteĩ eskúdoicha.+
10 Peẽ Aarón rogaygua,+ pejeroviákena Jehováre.
Haʼe ningo penepytyvõ ha pendeprotehe peteĩ eskúdoicha.
11 Peẽ perrespetáva Jehovápe, pejeroviákena Jehováre.+
Haʼe ningo penepytyvõ ha pendeprotehe peteĩ eskúdoicha.+
12 Jehová imanduʼa orerehe ha orevendesíta.
Haʼe ovendesíta Israel rogayguápe.+
Haʼe ovendesíta Aarón rogayguápe.
13 Jehová ovendesíta umi orrespetávape chupe,umi iñimportántevape ha umi ndahaʼéivape mbaʼeve avei.*
14 Jehová penevendesíta ha penderetavéta,penderetavéta peẽ ha pene familiakuéra.*+
15 Jehová tapenevendesi tuichaite.+
Haʼe hína yvága ha yvy Apohare.+
16 Pe yvága Jehová mbaʼe hína,+péro ko yvy haʼe omeʼẽ yvyporakuérape.+
17 Umi omanóva ndaikatúi ombotuicha Jehovápe,*+
umi oĩva sepultúrape* ndaikatúi ombotuicha chupe.+
18 Péro ore si rombotuicha Jehovápe,*
koʼág̃a guive ha opa ára g̃uarã.
¡Toñemombaʼeguasu Jehovápe!*
Nóta
^ Térã: “umi tuicháva ha umi michĩvape”.
^ Hebréope: “pende raʼykuéra”.
^ Hebréope: “Jah”. Péicha oñemombyky Jehová réra.
^ Hebréope: “umi oguejýva pe lugár oñekirirĩháme”.
^ Hebréope: “Jah”. Péicha oñemombyky Jehová réra.
^ Térã: “Alelúja”, heʼiséva “pemombaʼeguasu Jáhpe”.
