Salmos 139:1-24
Pe odirihíva musikokuérape g̃uarã. David purahéi.
139 Jehová, nde ningo chekuaa porãiterei, pórke nde remaña mbaʼe mbaʼépa areko che pyʼapýpe.+
2 Nde reikuaapaite la ajapóva, reikuaa arakaʼépa apuʼã térã añeno.+
Ha mombyry guive reikuaáma mbaʼépa apensa.+
3 Ñandejára, nde remaña cherehe* aguata jave aikóvo ha añeno jave,nde reikuaapa la che ajapóva.+
4 Jehová, che neʼĩra ni aavri che juru añeʼẽ hag̃ua,ha nde reikuaapáma la haʼétava.+
5 Ñandejára, nde chemoʼã opáguio ládo,nde remoĩ nde po che ári.
6 Ñandejára, nde ningo chekuaa porã ha upéva iporãiterei, ha ndaikatúi antende,yvateterei oĩ chehegui ha ndaikatúi ahupyty.+
7 Ñandejára, moõ piko ikatúta akañy nde espíritu sántogui, ndaipóri ningo ni peteĩ lugár,¿moõ piko che ikatu aha pono nde cherecha?+
8 Ajupírõ yvága peve, nde upépe cherecháta,ha aguerahárõ che rupa añeno hag̃ua pe Sepultúrape,* upépe nde cherechátante avei.+
9 Avevéramo ahávo pe koʼẽju pepo reheveaiko hag̃ua umi ísla mombyryvehápe,*
10 upépe jepe nde chegiáta,ha nde po deréchape reñakaramáta cherehe.+
11 Che haʼérõ: “Pe pytũmbýpe akañýtama chugui”,
upépe nde cherecha jeýta aĩramoguáicha hesakãháme.
12 Pe pytũmby ningo ndahaʼéi mbaʼevete ndéve g̃uarã.
Pyharéramo jepe, ndéve g̃uarã haʼete de diakue jeýnte.+
Pytũramo térã hesakãramo, ndéve g̃uarã lomimoite.+
13 Nde ningo rejapo vaʼekue che rriñón,nde cheapo che sy ryépe.+
14 Ñandejára, nde ningo cheapo porãiterei, ha apensávo upévare che rorrespeta ha romombaʼeguasu.+
Umi ne rembiapokue ningo iporãiterei ha ndaijojahái,+che aikuaa* porã upéva.
15 Nde cheapórõ guare ñemihaitépe che sy retepýpe,rehecháma vaʼekue umi che kangue.
Akakuaa aja che sy retepýpe,* nde cherecháma vaʼekue.+
16 Nde ningo cherecháma kuri che sy retepýpe.
Nde lívrope oĩma vaʼekue opaite mbaʼeche rete oñeforma mboyve jepe,nde lívrope oĩma vaʼekue mbaʼéichapa che rete okakuaáta ohóvo.
17 Ñandejára, chéve g̃uarã, iporãiterei umi mbaʼe nde repensáva,+ha ndaikatúi ñakontapa umíva.+
18 Che añemoĩtaramo akontapa, atopáta hetaveha pe yvykuʼígui.+
Akontárõ umi mbaʼe repensáva rejapo chekoʼẽmbáta ha asegíta gueteri akonta.*+
19 Ñandejára, aipotaite rehundi umi iñañávape.+
Upéicharõ umi oporojukáva ndachepersegimoʼãvéima.
20 Umi oikóva oñeʼẽ vai nderehe,umíva ningo ne enemígo ha oipuru vai nde réra.+
21 Jehová, oĩ hénte ndochaʼéiva nderehe, ha che ndachaʼéi hesekuéra.+
Chéve chembojeguaru umi opuʼãva ne kóntrape.+
22 Ndachaʼeiete voi ningo hesekuéra,+koʼág̃a haʼekuéra che enemigoite voi.
23 Ñandejára, ejesarekóna cherehe reikuaa hag̃ua mbaʼépa areko che korasõme.+
Emañána pe che pyʼapýpe oĩvare reikuaa hag̃ua mbaʼépa la chekevrantáva.+
24 Ehechána noiméipa aha hína tape vaíre,+ha chegiána+ ikatu hag̃uáicha aiko opa árare.
Nóta
^ Térã: “chemedi”.
^ Hebréope: “pe mar mombyryvehápe ykére”.
^ Térã: “che álma oikuaa”.
^ Hebréope: “Nde chetehérõ guare pe yvy ruguaitépe”.
^ Hebréope: “aiméta gueteri nendive”.
