Salmos 14:1-7
Pe odirihíva musikokuérape g̃uarã. David purahéi.
14 Umi ivýrova heʼi ipyʼapýpe:
“Jehová ndoexistíri voi”.+
Haʼekuéra iñaña ha umi mbaʼe ojapóva oporombojeguaru.
Ndaipóri voi ni peteĩ ojapóva iporãva.+
2 Péro Jehová omaʼẽ yvyporakuérare yvága guive.
Omaña hína jahecha oĩpa peteĩ persóna iñarandúva, ohechakuaáva tekotevẽha oñemoag̃ui Jehováre.+
3 Enterovénte oho tape vaíre+
ha peteĩchaite iñaña hikuái.
Ndaipóri avave ojapóva iporãva,ni peteĩ jepe.
4 ¿Mbaʼéicha piko la nontendéi voi mbaʼeve umi hénte aña?
Chupekuéra g̃uarã ndahasyiete ohundi Ñandejára puévlope, ku hoʼuramoguáicha pan.
Haʼekuéra ndojeroviái Jehováre.
5 Péro upéi haʼekuéra okyhyjetereíta,+pórke Jehová oĩ umi hénte* hembiapo porãvandi.
6 Peẽ hénte aña siémpre peñemoĩ umi imboriahúvare, ha pembyaise katuete umi mbaʼe porã ojaposéva hikuái.
Péro Jehová oprotehe umi imboriahúvape.+
7 ¡Hiʼãite ningo Sióngui ou peteĩ osalva vaʼerã Israélpe!+
Jehová ogueru jey vove ipuévlope oĩva esklávoramo,tovyʼa Jacob familiare, ha Israélpe oĩva guive.
Nóta
^ Hebréope: “pe henerasión”.
