Salmos 142:1-7
Maskil.* David ojapo ko purahéi okañýrõ guare peteĩ kuévape.+ Haʼe oñemboʼe Ñandejárape.
142 Che ningo ajerure Jehovápe chepytyvõ hag̃ua,+ajerure asy Jehovápe cheguerohory hag̃ua.
2 Che amombeʼupaite chupe la chekevrantáva,haʼe chupe mbaʼeichaitépa ahasa asy.+
3 Che korasõ* nomeʼẽvéirõ guare ajerure asy ndéve sokórro.
Nde reñatende che rapére.+
Pe tape che aguatahárupi,che enemigokuéra omoĩ chéve trámpa.
4 Emañamína che jerére,avave ningo ndojepyʼapýi cherehe.+
Ndaipóri ni peteĩ lugár ikatuhápe akañy,+ha ndaipóri avave ojepreokupáva cherehe.*
5 Jehová, che ajerure ndéve chepytyvõ hag̃ua.
Che haʼe: “Nde ningo peteĩ lugár isegúrova ikatuhápe ajeprotehe,+nde añoite ningo che esperánsa ko múndope”.
6 Ñandejára, ehendúna ajerure jave ndéve ajúda,che ningo ajedesespera ha ndaikuaavéima mbaʼépa ajapóta.
Umi chepersegíva imbareteve chehegui,chesalvána chuguikuéra por favór.+
7 Ñandejára, che ningo aime peteĩ kalavósope,cheguenohẽmína* koʼágui ikatu hag̃uáicha amombaʼeguasu nde réra.
Péicha umi ihústova ovyʼáta chendive,ohechávo hikuái nde chetrata porãha.
