Salmos 145:1-21
David purahéi. Músika ombotuicháva Ñandejárape.
א [Álef]
145 Romombaʼeguasúta ndéve che Jára, pórke nde hína ore Dios ha ore Rréi.+
Ambotuicháta nde réra opa árare.+
ב [Behth]
2 Tódo el día romombaʼeguasúta,+siémpre ambotuicháta nde réra, ajapóta upéva opa árare voi.+
ג [Guímel]
3 Jehová ningo ndaijojahái, haʼe omerese ojeadora chupe,+ñande ndaikatúi ñantende mbaʼeichaitépa haʼe ipoderóso.+
ד [Dáleth]
4 Ñandejára, umi henerasión oútava omombaʼéta ne rembiapokue,ha omombeʼúta umi mbaʼe rejapo vaʼekue nde podér rupive.+
ה [He]
5 Haʼekuéra omombeʼúta umi mbaʼe ohechaukáva nde podér ha nde autorida.+
Ha che apensáta umi mbaʼe porãita nde rejapóvare.
ו [Waw]
6 Umi hénte oñeʼẽta umi mbaʼe rejapo vaʼekuére,* umíva tuicha ha oporomongyhyje.
Ha che amombeʼúta ndaiporiha avave ndeichagua.
ז [Záyin]
7 Haʼekuéra nembotuicháta nembaʼeporãiterei rupi, umi mbaʼe heʼíva osyrýta peteĩ yvúicha,+vyʼápe opurahéita ndehústo haguére.+
ח [Jehth]
8 Jehová, nde oreporiahuvereko ha orembyasy.+
Nde ningo nandepochyreíri, nde siémpre orerayhueterei ha nderefallái avavéndi.*+
ט [Tehth]
9 Jehová, nde ningo nevuenoiterei enterovéndi,+siémpre oreporiahuvereko, upéva ojekuaa opa mbaʼe rejapóvape.
י [Yohdh]
10 Jehová, entéro ne rembiapokue nembotuicha,+umi nde siérvo iñeʼẽrendúva nemombaʼeguasúta.+
כ [Kaf]
11 Haʼekuéra oñeʼẽta ne rréino iporãitévare,+omombeʼúta mbaʼeichaitépa ndepoderóso.+
ל [Lámedh]
12 Péicha umi hénte oikuaáta umi mbaʼe rejapo vaʼekue nde podér rupive,+oikuaáta hikuái mbaʼeichaitépa iporã ha ipoderóso ne rréino.+
מ [Mem]
13 Ne rréino ogovernáta opa ára g̃uarã,osegíta omanda entéro umi henerasión oútavape.+
ס [Sámekj]
14 Jehová omopuʼã umi ikangy ha hoʼa potávape.+
Haʼe omombarete entéro umi nomeʼẽvéimavape.+
ע [Áyin]
15 Ñandejára, enterove umi hénte oreko esperánsa nderehe,ha nde remeʼẽ chupekuéra tembiʼu hiʼoraitépe.+
פ [Pe]
16 Nde reavri nde poha remeʼẽ entérope opa mbaʼe oipotáva.+
צ [Tsadhéh]
17 Jehová siémpre ojapo iporãva,+haʼe núnka ndofallái avavéndi.+
ק [Qohf]
18 Jehová ndohejái umi hese ojeroviávape,+umi persóna sinséramente* oñemboʼévape chupe.+
ר [Rehsch]
19 Umi orrespetáva Ñandejárape, orresivi chugui umi mbaʼe oipotáva.+
Haʼekuéra ojerure jave ajúda, katuete haʼe ohendu ha osalva chupekuéra.+
ש [Schin]
20 Jehová oñangareko umi persóna ohechaukávare ohayhuha chupe,+péro ohundipaitéta umi iñañávape.+
ת [Taw]
21 Che amombaʼeguasúta Jehovápe.+
Ñandejára réra ningo sagrádo, upévare opaite ikreasión ombotuicha vaʼerã héra opa ára g̃uarã.+
