Salmos 20:1-9
-
Pe rréi oporosalva.
-
Oĩ ojeroviáva kárro ha kavajúre, péro ore rojerovia Jehováre (7).
-
Pe odirihíva musikokuérape g̃uarã. David purahéi.
20 Jehová tohendu ne ñemboʼe rehasa asy jave.
Jacob Jára tandeprotehe rehenói vove héra.+
2 Ñandejára ningo oĩ Siónpe,+ upe lugár sagrádope,+haʼe tanepytyvõ ha tandeprotehe upe guive.
3 Ñandejára taimanduʼa entéro umi ofrénda remeʼẽ vaʼekuére chupe rregáloramo,ha toasepta ha toguerohory umi nde ofrénda ojehapýva. (Sélah)
4 Ñandejára tomeʼẽ ndéve umi mbaʼe ne korasõ oipotáva,+ha haʼe rupive tosẽ porã ndéve opa mbaʼe rejaposéva.
5 Ore rovyʼa joáta nde regana vove ne enemigokuérape,+ha ore rombotuicháta Ñandejára réra.+
Jehová tomeʼẽ ndéve opa mbaʼe rejeruréva chupe.
6 Koʼág̃a roikuaa porã Jehová odefendeha upe rréi haʼe oelehi* vaʼekuépe.+
Haʼe ohendu iñemboʼe yvága guive,Ñandejára oporosalva ipodér* rupive.+
7 Oĩ ojeroviáva kárro ha kavajúre,+péro ore rojerovia Jehová rérare, haʼe hína ore Jára.+
8 Umi ne enemígo hoʼa ha oñehundipa,ore katu ropuʼã ha roĩ porã jey.+
9 Jehová, esalvamína pe rréipe.+
Ore rojerure vove ndéve orepytyvõ hag̃ua, nde katuete orerendúta.+
