Salmos 29:1-11
David purahéi.
29 Pemombaʼeguasu vaʼerã Jehovápe peẽ ipoderósova raʼykuéra.
Ñandejára omerese opavave ombotuicha chupe, pórke Jehová ipoderóso ha imbarete.+
2 Pemombaʼeguasu vaʼerã Jehová réra.
Pemoĩ ao iporãva, ipotĩ asýva ha peñesũ* Jehová renondépe.
3 Umi y oĩhágui oñehendu Jehová oñeʼẽha,Jehová oĩ umi arai ári+
ha oñeʼẽ jave haʼete osunúva.+
4 Jehová oñeʼẽ jave oñehendu ivós ipoderosoha,+Jehová ñeʼẽ ndaijojahái.
5 Jehová oñeʼẽ jave haʼete peteĩ torménta oitypáva umi sédro máta,haʼete Jehová oitypáva umi yvyramáta oĩva Líbanope.+
6 Haʼe ombopopo pe Líbanope vaka raʼýicha,ha Siriónpe+ katu tóro raʼýicha.*
7 Jehová oñeʼẽ jave haʼete osunu ha overapáva.+
8 Jehová ñeʼẽ omboryryipa pe desiérto,+Jehová oñeʼẽ jave, pe desiérto de Cadés+ oryryipa.
9 Jehová oñeʼẽ jave haʼete oúva peteĩ torménta, pe guasu tuicha oñemondýi ha imemby.
Pe torménta omoperõ pe kaʼaguy.+
Ha entéro oĩva itémplope heʼi: “¡Toñemombaʼeguasu Ñandejárape!”.
10 Jehová oguapy itrónope umi y guasu ári,+Jehová oguapy itrónope, haʼe hína pe Rréi opa ára g̃uarã.+
11 Jehová omombaretéta ipuévlope.+
Haʼekuéra oikóta pyʼaguapýpe pórke Jehová ovendesíta chupekuéra.+
