Salmos 38:1-22
David ojapo vaʼekue ko purahéi manduʼarã.
38 Jehová, anína chekorrehi ha chekastigandepochyeterei jave.+
2 Nde chekastiga ha hasyeterei chéve upéva,+haʼete voi cheraʼãva fléchape.
3 Che ningo apeka ne kóntrape, upévare ndaikatúi aiko pyʼaguapýpe,*+
cherasypaite pórke ndepochy chendive.
4 Umi mbaʼe vai ajapo vaʼekue haʼete chéve peteĩ kárga ipohýiva araháva che akã ári,+ha ndaikatuvéima chepuʼaka hese.
5 Hetáma asufri, haʼete arekóva umi erída ine ha ipeupáva.
Chevýro haguére koʼã mbaʼe oiko cherehe.
6 Aiko añembyasy tódo el día,ndaigustovéi chéve mbaʼeve ha yvýre añeñandu.
7 Cherasypa aikóvo,+haʼete voi cheakãnundúva.
8 Chekangypa ha nameʼẽvéima,ndavyʼavéi ha hetáma ajaheʼo.
9 Jehová, nde ningo reikuaa opa mbaʼe aipotáva,ha rehecha mbaʼeichaitépa asufri ha asuspira.
10 Chekorasõ pererepa ha ndarekovéima fuérsa,koʼág̃a ni ndahechaporãvéima.*+
11 Hetáma asufri ha hetaiterei cheprovléma, upévare che amígo ha che konosidokuéra ni noĩséi che ypýpe,umi che amigoite jepe oñemomombyrypa chehegui.
12 Umi chejukaséva* omoĩmba trámpa chemoñuhã hag̃ua.
Haʼekuéra oñeʼẽ che kóntrape cheperhudika hag̃ua,+tódo el día okalkula mbaʼépa heʼíta cherehe ha ijapu hikuái.
13 Che katu napenái hesekuéra, aiko umi ohenduʼỹvaicha,+akirirĩnte ha ndaʼéi mbaʼeve umi iñeʼẽngúvaicha.+
14 Ajogua umi persóna nohendúivape,ha ndaʼéi mbaʼeve añedefende hag̃ua.
15 Jehová, che siémpre ajerovia nderehe.+
Ñandejára Jehová, nde cherendu ajerure jave ndéve chepytyvõ hag̃ua.+
16 Che ajerure kuri ndéve: “Ani reheja umi iñañáva opuka cherehe,ha ani reheja oñembohory cherehe hikuái haʼa sapyʼárõ”.
17 Che ningo tódo el tiémpo añeñandu vai,+ha amano mbotaitéma kuri.
18 Tuicha ajavy, ha upéva ojapo vaieterei cherehe,+upémarõ akonfesa la che pekádo.+
19 Umi che enemígo ningo imbarete* ha ipoderóso,haʼekuéra ndorekói rrasón ndochaʼéi hag̃ua cherehe, ha koʼág̃a hetave hikuái.
20 Che ningo chevuéno hendivekuéra péro haʼekuéra iñaña chendive,che ajapose la iporãva ha upévare haʼekuéra oñemoĩ che kóntrape.
21 Jehová, anína chereja rei.
Ñandejára, aníntena reñemomombyry chehegui.+
22 Jehová, pyaʼéna eju chepytyvõ hag̃ua,nde ningo siémpre chesalva.+
Nóta
^ Hebréope: “ndaipóri pyʼaguapy che kanguépe”.
^ Hebréope: “che resa ndorekovéima lus”.
^ Térã: “ohekáva che álma”.
^ Hebréope: “oikove”.
