Salmos 44:1-26
Pe odirihíva musikokuérape g̃uarã. Coré raʼykuéra+ purahéi. Maskil.*
44 Ñandejára, ore rohenduumi mbaʼe rejapo vaʼekue yma,ore tuakuéra ypykue omombeʼu oréve+
la rejapo vaʼekue upe tiémpope.
2 Nde ndepuʼaka umi ótra nasiónre ha mombyry rembodipara chupekuéra.+
Nde podér rupive remosẽ umi héntepe hetãgui,+ha remoĩ upépe ore tuakuéra ypykuépe.+
3 Haʼekuéra ojagarra imbaʼerã umi yvy, péro ndahaʼéi oipurukuaa haguére espáda,+haʼekuéra ningo ogana péro ndahaʼéi ipoderóso haguére.+
Haʼekuéra ogana pórke nde reguerohory chupekuéra ha reipuru nde po derécha ha nde jyva imbaretéva.+
Nde ningo rehayhu chupekuéra.+
4 Ñandejára, nde ningo pe Rréi,+ nde remandáva ojejapo,upévare, eréna Jacob ogana hag̃ua.
5 Ñandejára, nde ningo reĩ ore ládo, upévare ore enemigokuéra odiparapáta.+
Ore rojerovia nde rérare, upévare ropyrũmbaitéta umi opuʼãvare ore kóntrape.+
6 Che areko espáda ha flécha,péro ndajeroviái umíva chesalvataha.+
7 Ñandejára, nde ningo oresalva ore enemigokuéragui,+nde remotĩ umi ndaijaʼéivape orerehe.
8 Tódo el tiémpo ore romombaʼeguasúta Ñandejárape,ha opa ára g̃uarã rombotuicháta héra. (Sélah)
9 Koʼág̃a katu nde orereja rei ha upévare roñemotĩ.
Ore ehérsito oho jave gerrahápe, nde nereñorairõi ore favórpe.
10 Nde repermiti ore enemigokuéra ipuʼaka orerehe,+umi ndaijaʼéiva orerehe oipeʼapa orehegui oipotáva guive.
11 Nde reheja ore enemigokuéra oregueraha ku ovecháicha ojejuka hag̃ua.
Nde káusare ropyta oresarambipa upérupi.+
12 Revende nde puévlope, rregaládo remeʼẽ,+nereganái mbaʼevete hese.
13 Nde reheja ore vesinokuéra oñembohory orerehe,entéro umi oikóva ore jerére opukapa orerehe.
14 Umi hénte oñembohorypa orerehe,+ha oñakãmbovava ohechauka hag̃ua oredespresiaha.
15 Che enemigokuéra káusare atĩeterei tódo el tiémpo,ha ndaikuaái moõpa amoingéta la che rova.
16 Péicha añeñandu pórke haʼekuéra oñembohory cherehe ha chedespresia,che enemigokuéra oñevenga cherehe.
17 Oréngo siémpre oremanduʼáva nderehe ha rokumpli pe kompromíso rojapo vaʼekue nendive,+péro lomímonte ojehu oréve koʼã mbaʼe vai.
18 Ore korasõ noñemomombyrýi ndehegui,ore norosẽi nde rapégui.
19 Péro nde reheja roperde pe ñorairõ ha ropyta umi jagua salváhepe* g̃uarã,ropyta pytũmbyetépe.
20 Oimérõ ore ndorojeroviavéi Ñandejára rérare,ha romombaʼeguasu ótro dióspe,
21 ¿ndopillamoʼãi guaʼu piko upéva Ñandejára?
Haʼe ningo oikuaapaite la oĩva entéro umi hénte korasõme.+
22 Ñandejára, ore oreñeʼẽrendu ha upévare tódo el tiémpo oĩ orejukaséva,rojogua umi ovecha ojeguerahávape ojejuka hag̃ua.+
23 Jehová, ejúna orepytyvõ, ¿mbaʼére piko nerepenái orerehe?+
Epáyna, ha ani oremboyke opa ára g̃uarã.+
24 ¿Mbaʼére piko reñemolómo orehegui?*
¿Mbaʼére piko nderesarái rosufriha ha roiko asyha?
25 Koʼág̃a ore* noromeʼẽvéima,ore enemigokuéra orereko ipoguýpe ha yvýre orembotyryry.+
26 Nde ningo nembaʼeporã ha orerayhueterei,*+
upévare ejúna orepytyvõ ha oresalva.+
