Salmos 64:1-10
-
Ñandejára odefende chupe.
-
“Haʼe opoíta hesekuéra iflécha” (7).
-
Pe odirihíva musikokuérape g̃uarã. David purahéi.
64 Ñandejára, añekevrantaiterei ningo, cherendumíntena.+
Umi che enemígo iñañaiterei ha cheataka, cheprotehemína por favór.
2 Hetaiterei ningo umi hénte iñañáva, ñemiháme haʼekuéra oplanea heta mbaʼe vai che kóntrape.
Cheprotehemína chuguikuéra.+
3 Haʼekuéra ohaimbeʼe ijuru peteĩ espádaicha,umi fléchaicha oapunta cherehe umi mbaʼe vai heʼíva.
4 Haʼekuéra okañy oikóvo ikatu hag̃uáicha degolpete opoi iflécha umi hénte inoséntere.
Upéi ni ndodudái hikuái opoíma hag̃ua iflechakuéra.
5 Haʼekuéra oiko voi oplanea mbaʼépa ojapóta hapichakuérare ha ndaiporivéima oipeʼa vaʼerã upéva iñakãgui.*
Opensa moõpa omoĩta itrampakuéraha heʼi: “Koʼápe avave ndohechamoʼãi”.+
6 Umi che enemígo oplanea voi mbaʼéichapa ikatu iñañave,okalkulapa hikuái mbaʼépa ojapóta ha nomombeʼúi avavépe la ijidéa.+
Ndaipóri ikatúva oikuaa mbaʼépa opensa ha oreko ipyʼapýpe koʼã hénte.
7 Péro Ñandejára okastigáta chupekuéra,+degolpete haʼe opoíta hesekuéra iflécha.
8 Ijuru okondenáta umi iñañávape.+
Ha umi ohecháva la oikóva oñakãmbovaváta ohechauka hag̃ua odespresiaha chupekuéra.
9 Umi hénte okyhyjetereíta,omombeʼúta Ñandejára ojapo vaʼekue,ha ohechakuaáta Ñandejára ojapo hague umi mbaʼe.+
10 Umi ivuénova ovyʼaitereíta umi mbaʼe Jehová ojapóvare ha oñemoag̃uíta hese ojeprotehe hag̃ua.+
Umi ipyʼaite guive iñeʼẽrendúva ovyʼaitereíta.
Nóta
^ Térã: “oñomokyreʼỹ ojapo hag̃ua ivaíva”.
