Salmos 65:1-13
Pe odirihíva musikokuérape g̃uarã. David melodía. Peteĩ purahéi.
65 Ñandejára, Siónpe rojepreparapáma rombotuicha hag̃ua.+
Ore rokumplíta pe ropromete vaʼekue ndéve.+
2 Ñandejára, nde ningo rehendu umi hénte ñemboʼe, ne rendápe oúta opaichagua persóna.+
3 Añeñandu vaieterei ningo pórke ajapo ivaíva,+péro nde Ñandejára reperdona ore pekádo.+
4 Ovyʼa pe persóna nde reiporavóva oñemoag̃ui hag̃ua nderehe,oúva oiko hag̃ua nde róga korapýpe.+
Nde ningo nembaʼeporãiterei,upévare mbaʼevete ndofaltamoʼãi oréve nde rógape,+ ne témplo sagrádope.+
5 Ñandejára, nde siémpre oresalva, nde rekontestáta oréve ore ñemboʼerejapóvo heta mbaʼe tuicháva ha oresorprendéva.+
Nde siémpre ndehústo, nderehe ojerovia umi hénte oĩva ko múndo tuichakuére,+ha umi oĩva mombyry pe márpe okonfia avei nderehe.
6 Ñandejára,* nde ningo ndepoderosoiterei.+
Nde reipuru nde podér remoĩ hag̃ua umi montáña hendag̃uáme.
7 Pe mar pochýpe nde remanda opytaite hag̃ua, ha umi oláda oñekalmaite.+
Péicha avei remokirirĩ umi tetãnguéra itarovapa jave.+
8 Umi hénte oikóva mombyry okyhyjéta ohechávo umi mbaʼe guasuete nde rejapóva.+
Ha umi oikóva kuarahyreike ha kuarahyresẽ gotyo vyʼápe opurahéita ndéve.
9 Ñandejára nde rekuida ko yvýre,upévare oprodusi porã* ha ndofaltái mbaʼeve.+
Nde remyenyhẽ umi rrío ýguiikatu hag̃uáicha umi héntepe osẽ porã ikosécha.+
Péicha nde reñatende porã ko yvýre.
10 Nde rembou pe ama omoheʼõva pe yvy ojeara rire, ha pe yvy opyta jey ojoja asy.
Nde rembou pe ama remohuʼũ hag̃ua pe yvy ha revendesi umi kosécha osẽ porã hag̃ua.+
11 Nde heta revendesi ko áño, haʼete voi remoĩva hese peteĩ koróna.
Nde rape henyhẽte mbaʼe porãgui.+
12 Umi kapiʼipe* vérde asy ha ojagarrapaite voi,+umi sérrore katu umi plánta iporãiterei, haʼete vyʼápe oĩmbáva hikuái.+
13 Hetaiterei ningo umi ovecha, opastea joa hikuái pe kapiʼipére.
Umi trígo katu umi ñúre jepe osẽmba.+
Umi kreasión haʼete opurahéiva omombaʼeguasu hag̃ua Ñandejárape.+
