Salmos 76:1-12
Pe odirihíva musikokuérape g̃uarã. Ojepuru vaʼerã instruménto de kuérda. Asaf melodía.+ Peteĩ purahéi.
76 Entéro oikóva Judápe oikuaa Ñandejárape,+héra oñembotuicha Israel tuichakuére.+
2 Ñandejára tavernákulo oĩ Salémpe,+pe lugár haʼe oikoha katu oĩ Siónpe.+
3 Ñandejára ohundipaite umi espáda, umi flécha orekóva tatarendy ipúntare,ha opa mbaʼe ojepurúva gerrarã.+ (Sélah)
4 Ñandejára, nde ningo rejajaipa,ni umi montáña tuicháva, henyhẽva animál porã porãgui, ndaikatúi oñekompara nderehe.
5 Umi gerréro ndaikatuvéima kuri oñedefende.+
Umi ipyʼaguasúva jepe opyta mbaʼeveʼỹre,+ojepeʼapa chuguikuéra ikosakuéra ha omanomba* hikuái.
6 Jacob Jára, nde ningo rekastiga ne enemigokuérape,ha omanomba* umi gerréro ha ikavajukuéra.+
7 Ñandejára, ndehegui añoite ningo umi hénte okyhyje vaʼerã.+
¿Máva piko ikatúta ojesalva ndepochyeterei jave?+
8 Yvága guive nde reporohusga,+ha umi hénte okyhyje joa ha okirirĩete.+
9 Péicha opyta hikuái Ñandejára opuʼãvo oporohusga hag̃ua,haʼe ojapo upéva osalva hag̃ua umi ivuénovape oĩva ko yvy ape ári.+ (Sélah)
10 Ñandejára, ne enemigokuéra ojapóta heta mbaʼe pochy reheve, péro nde reipurúta umi mbaʼe reñembotuicha hag̃ua.+
Pe última kósa ojapóva ne enemígo jepe, nde ikatu reipuru reñembotuicha hag̃ua.
11 Pekumplíkena opa mbaʼe peprometéva Ñandejára Jehovápe.+
Enterove umi oĩva ijerére togueru rregálo ha torrespeta chupe.+
12 Ñandejára omotĩta umi governánte oñemombaʼeguasúvape.
Enterove umi rréi oĩva ko yvy ape ári okyhyje vaʼerã chugui.
