Salmos 90:1-17
Moisés ñemboʼe, haʼe hína Ñandejára siérvo.+
90 Jehová, nde ningo peteĩ lugár ikatuhápe roho roñemoʼã hag̃ua ore+ ha entéro umi henerasión oútava.
2 Oĩ mboyve umi montáña,ha ojejapo mboyve ko yvy ha umi mbaʼe oĩva pype,+nde haʼéma Ñandejára ymaite guive ha opa ára g̃uarã.*+
3 Nde ere yvyporakuérape: “Toiko jey pendehegui yvy rei”.
Ha péicha umi héntegui oiko jey yvy rei.+
4 Ñandejára, ndéve g̃uarã ningo 1.000 áño haʼete un díante,+haʼete mbovymi órante ohasáva.*
5 Nde ningo degolpete rehundi umi persónape, haʼekuéra peteĩ suéñoicha pyaʼeterei opa.+
Pyhareve haʼekuéra ojogua umi pásto heñóivape,+
6 koʼẽre hogue porã asy ha ipotypa,péro pytũ vove ipiru ha omano.+
7 Nde ningo ndepochyeterei ha upévare roñehundipa rohóvo,+ha ropyta rokyhyjeterei.
8 Nde reikuaapa umi mbaʼe vai rojapóva,*+
umi mbaʼe rojapóva kañyháme jepe nde rehechapaite.+
9 Ndepochy rupi orendive saʼive tiémpore roikove,ore rekove mbykyeterei, peteĩ suspíroicha pyaʼeterei opa.
10 Ore ningo 70 áñonte roikove,umi imbaretemiéva ohupyty jepi 80+ áño.
Péro roikove aja heta oreprovléma ha rohasa asy.
Umi áño pyaʼe ohasa ha upéicha avei ore rekove.+
11 Ñandejára, nde ndepochy térã rerrenega jave, ¿máva piko ikatu oikuaa mbaʼeichaitépa nembarete?
Pe oikuaáva upéva oikuaáta avei mbaʼeichaite pevépa nderrespeta vaʼerã umi hénte.+
12 Ñandejára, oremboʼéna mbaʼéichapa roiko vaʼerã káda día roipuru porã hag̃ua ore rekove.+
Upéicharõmante ore korasõ ikatúta iñarandu.
13 Jehová,+ eju jeýna orepytyvõ, ¿arakaʼe peve piko rosegíta péicha?+
Eiporiahuverekóna nde siervokuérape.+
14 Ehechaukána oréve káda pyhareve orerayhuetereiha ha nembaʼeporãha,*+
péicha siémpre ropurahéita ha roikóta vyʼápe.+
15 Ñandejára, orembovyʼákena pe reheja haguéicha rosufri,+pórke heta áñore rosufri kuri.+
16 Entéro umi nde siérvo tohecha umi mbaʼe rejapóva,ha ifamiliakuéra tohecha avei ndepoderosoha.+
17 Jehová ore Jára, oreguerohory jeýna.
Orevendesína ikatu hag̃uáicha entéro mbaʼe rojapóva osẽ porã.
Ñandejára, orevendesína ikatu hag̃uáicha entéro mbaʼe rojapóva osẽ porã.+
Nóta
^ Térã: “etérno ymaite guive ha pára siémpre”.
^ Térã: “unos kuánto órante peteĩ pyharépe”.
^ Hebréope: “Nde remoĩ ore pekadokuéra ne renondépe”.
