Káda áño ñahaʼarõiterei og̃uahẽ ñande aty guasu tres diagua ikatu hag̃uáicha jadisfruta umi mbaʼe ojepreparáva omombarete hag̃ua ñande jerovia. Ikatu hag̃uáicha hetave hénte oñevenefisia avei umi mbaʼe porã Jehová omeʼẽvagui, ñañehaʼãmbaitéta ñainvita opa ikatúvape oho hag̃ua asambleahápe (Sl 34:8). Umi ansiáno káda kongregasionpegua ohecháta mbaʼépa ojejapóta ojerreparti hag̃ua umi invitasión.

• Mbaʼe féchapa ne asambléa

• Arakaʼépa peñepyrũta peinvita umi héntepe

• Moõ moõpa ojejapóta umi enkuéntro predikasionrã

• Mbaʼépa rejapóta resẽve hag̃ua predikasiónpe ojerreparti jave umi invitasión

• Máva mávapepa reinvitáta

Esaluda rire umi héntepe, ikatu ere:

“Roinvita hína enterove persónape oho hag̃ua peteĩ rreunión iñimportantetereívape. Ko invitasiónpe retopáta mbaʼe fécha, mbaʼe óra ha moõpa ojejapóta. Rovyʼaitereíta la rehóramo”.

Ñande ningo ñainvitase opa ikatúvape oho hag̃ua asambleahápe. Péro oĩramo peteĩ ñanerendu porãva, ñañemotiémpo vaʼerã ñañeʼẽve hag̃ua hendive la Bíbliare.

Fin de semanakue, pe invitasión ndive jaofreséta avei pe rrevísta.