¿Mbaʼérepa Jesús ombyasyete raʼe umi fariséo ipyʼahatã haguére? Pórke haʼekuéra omoĩ kuri hetave mbaʼe oñekumpli vaʼerã pe sábadope ha upévare umi héntepe g̃uarã haʼéma peteĩ kárga. Por ehémplo, sabadokue ndaikatúi vaʼekue ojejuka ni tungusu. Avei sábado jave ndovaléi oñepytyvõ peteĩ persóna ikaráuvape térã opẽvape, peteĩ hasývape ikatu kuri oñepytyvõ omanótaramo añoite. Péicha jahechakuaa umi fariséo ni michĩmi ndojepyʼapýi hague pe kuimbaʼe ipo ypívare.
