MBAʼÉREPA IÑIMPORTÁNTE: Jehová, pe Mboʼehára Ijojahaʼỹva, omeʼẽ ñandéve pe edukasión iporãvéva oĩva. Haʼe ñanemboʼe mbaʼéichapa jaiko vaʼerã javyʼa hag̃ua ha ñandepreparáma jaiko hag̃ua pe múndo pyahu haʼe oprometévape ñandéve. Jehová ñanemboʼe koʼã mbaʼe ha gratiete (Is 11:6-9; 30:20, 21; Apc 22:17). Jehová ñanerekomboʼe ha ñanembokatupyry avei jagueraha hag̃ua umi héntepe pe mensáhe ikatúva oipytyvõ chupekuéra ojesalva hag̃ua (2Co 3:5).

MBAʼÉICHAPA IKATU JAJAPO:

• Ñañehaʼã vaʼerã ñaneumílde ha ñanevuéno (Sl 25:8, 9).

• Jaaprovecha vaʼerã umi mbaʼe Jehová omoĩva ñandéve ñanembokatupyryve hag̃ua, por ehémplo umi asignasión oñemeʼẽva pe rreunión éntre semanaguápe g̃uarã.

• Ñapensa vaʼerã mbaʼépa ikatu jajapove Jehová servísiope ha jakalkula mbaʼépa ikatu jajapo jahupyty hag̃ua upéva (Flp 3:13).

• Jasakrifika vaʼerã oimeraẽ mbaʼe tekotevẽva ikatu hag̃uáicha jarresivi hetave kapasitasión (Flp 3:8).

EHECHA PE VIDÉO JEHOVÁ ÑANEREKOMBOʼE RUPI IMBARETEVE ÑANDE JEROVIA, UPÉI ERRESPONDE KOʼÃ PORANDU:

• ¿Mbaʼépa ombohovái umi ermáno ha ermána ikatu hag̃uáicha oho pe Eskuéla de Evanhelisadórpe?

• ¿Mbaʼépa oñemboʼe pe Eskuéla de Evanhelisadórpe?

• ¿Mbaʼépa ojapo umi ermáno oipytyvõ hag̃ua umi ohóvape oservi ikongregasiónpe pe eskuéla rire ojepokuaa hag̃ua iñasignasión pyahúpe?

• ¿Mbaʼe rrekisítopa okumpli vaʼerã umi ohoséva pe Eskuéla de Evanhelisadórpe? (kr 189).

• Epensáramo umi eskuéla ojapóvare Jehová ñanembokatupyryve hag̃ua, ¿mavaitévapepa ikatu reho?