Ko áño guive jarekovéta tiémpo jajeprepara hag̃ua pe Konmemorasionrã. Pe Konmemorasión hoʼáramo éntre semána, ndojejapomoʼãi pe rreunión éntre semanagua ha hoʼáramo fin de semána katu ndojejapomoʼãi pe diskúrso púvliko ni Ñemañaha Ñehesaʼỹijo. ¿Mbaʼéichapa ikatu jaaprovecha porã upe tiémpo? Yma ojejapo haguéicha, koʼág̃a avei ojejapo heta preparatívo pe Konmemorasionrã (Lu 22:7-13; km 3/15 1). Péro oĩ hetave mbaʼe ikatúva jajapo pe Konmemorasión tiémpope.

• Jajepyʼamongeta mbaʼérepa iñimportánte jaha pe Konmemorasionhápe (1Co 11:23-26).

• Ñañemboʼe Jehovápe ha jajepyʼamongeta mbaʼéichapa ñaime hína henondépe (1Co 11:27-29; 2Co 13:5).

• Jalee umi informasión oñeʼẽva pe Konmemorasiónre ha jajepyʼamongeta hese (Jn 3:16; 15:13).

Oĩ ermáno ha ermána oleéva ha ojepyʼamongetáva umi téxto Konmemorasiónpe g̃uarã oñemoĩvare pe folléto Ñahesaʼỹijo Ñandejára Ñeʼẽ ára ha árape. Ótro katu oipuru pe prográma de lektúra oĩvaichagua pe iguýpe. Oĩ avei oleéva umi artíkulo osẽva Ñemañaháme ha oñeʼẽva pe Konmemorasiónre ha ohechaukáva mbaʼeichaitépa Jehová ha Jesús ñanderayhu. Releéramo umi mbaʼe oñeʼẽva pe Konmemorasiónre, katuete reñemoag̃uivéta Jehová ha Jesúsre.