Jacob oñorairõ kuri peteĩ ánhel ndive okonsegiségui peteĩ mbaʼe iñimportánteva: Jehová vendisión (Gé 32:24-31; Os 12:3, 4). ¿Ñandépa ñañehaʼã avei ñaneñeʼẽrendu Ñandejárape jahupyty hag̃ua ivendisión? Por ehémplo, ¿mbaʼépa jajapóta tekotevẽtarõ jadesidi jahátapa rreunionhápe térã ñambaʼapomiéta óra éxtra? Ñameʼẽramo Jehovápe la iporãvéva, tahaʼe ñane tiémpo, ñane mbaretekue térã umi mbaʼerepy jarekóva, haʼe tuichaiterei ñanevendesíta ha ndofaltamoʼãi ñandéve mbaʼeve (Mal 3:10). Jehová ñandegiáta, oñangarekóta ñanderehe ha oñenkargáta jarekopaite hag̃ua la ñaikotevẽva (Mt 6:33; Heb 13:5).

EHECHA PE VIDÉO EMOTENONDE HA EÑEKONSENTRÁKENA UMI MÉTA EREKÓVARE, UPÉI ERRESPONDE KOʼÃ PORANDU:

• ¿Mbaʼe pruévapa ohasa pe ermána?

• ¿Mbaʼéichapa ñande traváhogui ikatu oiko peteĩ pruéva ñandéve g̃uarã?

• ¿Mbaʼérepa Timoteo tekotevẽ kuri osegi oreko méta haʼémaramo jepe peteĩ kristiáno ijerovia mbaretéva? (1Ti 4:16).

• ¿Mbaʼéichapa jahechauka mbaʼépa hína pe traváho iñimportantevéva ñandéve g̃uarã?