MBAʼÉREPA IÑIMPORTÁNTE. Ikatu hag̃uáicha peteĩ estudiánte oiko Jehová amígoramo, oñemeʼẽ vaʼerã chupe ha ojevautisa (1Pe 3:21). Jehová oñangareko umi ojededikávare chupe ha oipytyvõ chupekuéra ani hag̃ua ikangy ijerovia (Sl 91:1, 2). Peteĩ persóna ojededikáva Jehovápe, ndahaʼéi hína ojededikáva peteĩ organisasiónpe, peteĩ traváhope ni ojapo hag̃ua yvypóra oipotáva, síno ojapo hag̃ua Jehová volunta. Upéicharõ ñaipytyvõ vaʼerã ñane estudiántepe ohayhu hag̃ua Jehovápe ha omombaʼe hag̃ua chupe (Ro 14:7, 8).

MBAʼÉICHAPA IKATU REJAPO:

• Pestudia jave, eporandu ne estudiántepe mbaʼépa omboʼe chupe Jehovágui upe informasión. Emokyreʼỹ avei chupe olee hag̃ua la Biblia káda día ha oñemboʼe meme hag̃ua Jehovápe (1Te 5:17; Snt 4:8).

• Emokyreʼỹ ne estudiántepe omoĩ hag̃ua kómo méta oñemeʼẽ hag̃ua Jehovápe ha ojevautisa. Emokyreʼỹ avei chupe okomenta hag̃ua rreunionhápe, opredika hag̃ua ivesíno ha umi ikompañéro de traváhope. Aníkena nderesarái Jehová ndoovligaiha avavépe oservi hag̃ua chupe. Káda uno odesidi vaʼerã oñemeʼẽtapa Jehovápe oservi hag̃ua chupe (Dt 30:19, 20).

• Emokyreʼỹ ne estudiántepe okambia hag̃ua tekotevẽhápe ikatu hag̃uáicha oĩ porã Jehová renondépe ha ojevautisa (Pr 27:11). Sapyʼánte oĩ umi kostúmbre ijetuʼúva umi estudiántepe oheja hag̃ua. Upévare jasegímante vaʼerã ñaipytyvõ chupekuéra oheja hag̃ua umi mbaʼe naiporãiva ha oñemonde hag̃ua pe teko pyahúgui (Ef 4:22-24). Ikatu pehecha oñondive umi artíkulo osẽva Ñemañahápe, pe párte hérava “La Biblia okambia chupekuéra”.

• Emombeʼu ne estudiántepe mbaʼéichapa revyʼa reservi rupi Jehovápe ha umi mbaʼe porã rehasáva iservísiope (Is 48:17, 18).