Jesús omeʼẽ vaʼekue hekove enterove persóna imperféktore (Ro 5:8). Haʼe ohechauka vaʼekue ñanderayhuetereiha omanóvo ñanderehehápe ha katuete ñande ñamombaʼeterei upéva. Péro heta vése tekotevẽ ñanemanduʼa jey Jesús omano hague avei ñane ermánore. ¿Mbaʼéichapa ikatu jahechauka jajoguaha Crístope ha jahayhu avei ñane ermáno iñimperféktovape avei ñandéicha? Jahechamína mbohapy mbaʼe ikatúva jajapo. Primero, ikatu ñañehaʼã jareko hag̃ua hetave amígo ha jaikuaa porãve umi ermáno ohasa vaʼekuépe heta mbaʼe (Ro 15:7; 2Co 6:12, 13). Segundo, ikatu ñañatende ani hag̃ua jaʼe térã jajapo mbaʼeve omoñeñandu vaítava umi ótrope (Ro 14:13-15). Ha tercero, oĩramo ofalláva ñanendive ikatu pyaʼe voi ñaperdonáma chupe (Lu 17:3, 4; 23:34). Ñañehaʼãmbaitéramo jajapo koʼã mbaʼe ha jasegi Jesús ehémplo, Jehová osegíta ovendesi pe kongregasión oĩ hag̃ua pyʼaguapy ha jaiko hag̃ua peteĩ ñeʼẽme.

EHECHA PE VIDÉO JAHECHÁKENA UMI MBAʼE PORÃ ÑANE ERMANOKUÉRARE, HA UPÉI ERRESPONDE KOʼÃ PORANDU:

• ¿Mbaʼéichapa oñeñandu raʼe Miki ova ramóme pe kongregasiónpe?

• ¿Mbaʼérepa upéi okambiáma umi mbaʼe Miki oñandúva?

• ¿Mbaʼéichapa Jesús ehémplo oipytyvõ Míkipe okambia hag̃ua opensa lája? (Mr 14:38).

• ¿Mbaʼéichapa Proverbios 19:11 heʼíva ikatu ñanepytyvõ jahecha hag̃ua umi mbaʼe porã orekóva ñane ermanokuéra?