La Biblia nomombeʼúi mbaʼérepa Lot rembireko omaña hapykue gotyo osẽ rire Sodómagui (Gé 19:17, 26). Péro umi mbaʼe Jesús heʼi vaʼekuére jaʼekuaa Lot rembireko oiméne hague ombyasy umi mbaʼe ohejáva hapykue gotyo (Lu 17:31, 32). ¿Mbaʼépa ikatu jajapo ani hag̃ua jaju japyta vai Ñandejára renondépe oiko haguéicha Lot rembirekóre? Ndovaléi ñamotenondeterei umi mbaʼe oĩva ko múndope (Mt 6:33). Jesús heʼi vaʼekue: “Peẽ ndaikatúi peiko Ñandejára rembiguáirõ ha avei peiko pláta rapykuéri” (Mt 6:24). ¿Péro mbaʼépa jajapóta jahechakuaáramo umi mbaʼerepy káusare nañanetiempoveimaha Jehovápe g̃uarã? Ikatu ñañemboʼe Jehovápe jahechakuaa hag̃ua mbaʼépepa tekotevẽ ñakambia, ha jajerure chupe tañanepytyvõ ñandepyʼaguasu ha ñanembarete hag̃ua ikatu hag̃uáicha ñakambia.

EHECHA PE VIDÉO PENEMANDUʼÁKENA LOT REMBIREKÓRE PÁRTE 1, 2 HA 3, UPÉI ERRESPONDE KOʼÃ PORANDU:

• ¿Mbaʼéichapa umi mbaʼe Gloria opensa, heʼi ha ojapóvare ojekuaa ojejopy hague chupe ipláta hag̃ua?

• ¿Mbaʼérepa Lot rembireko ndahaʼeiete ehémplo ñandéve g̃uarã?

• ¿Mbaʼéichapa oipytyvõ raʼe Joel ha ifamíliape umi konsého oĩva la Bíbliape?

• ¿Mbaʼéichapa Ánape ogueraha vai umi ikompañerokuéra de traváho?

• ¿Mbaʼérepa ñandepyʼaguasu vaʼerã oĩrõ ñandejopýva ñandeplatave hag̃ua?

• ¿Mbaʼéichapa Brian ha Gloria oñepyrũ omotenonde jey Jehovápe?

• ¿Mbaʼépa umi konsého bíblico jahecháva koʼã vidéope?