Pe kárta Pablo omondo vaʼekuépe Títope, heʼi kuri umi mitãrusúpe, umíva apytépe Títope, oñehaʼã vaʼerãha omoĩ ehémplo ‘ojapo porãvo opa mbaʼe’ (Tit 2:6, 7). Upe rire, upe kapítulope voi, Pablo heʼi Jehová puévlo oñemopotĩtaha, ikatu hag̃uáicha ikyreʼỹ “ojapo hag̃ua iporãva” (Tit 2:14). Peteĩva umi tembiapo iporãva haʼe hína japredika ha ñamboʼe umi héntepe pe notísia porã oñeʼẽva Ñandejára Rréinore. Mitãrusukuéra, ¿ikatúpa peaprovecha pene mbaretekue pejapo hag̃ua pende prekursorádo auxiliár térã rregulár? (Pr 20:29).

Oiméramo rejagarrase hína pe prekursorádo rregulár, eplanea porã vaʼerã ikatu hag̃uáicha ehupyty upe méta (Lu 14:28-30). Por ehémplo, ¿mbaʼéichapa repagáta nde gastokuéra ejapo vove nde prekursorádo? ¿Mbaʼépa rejapóta rehupyty hag̃ua nde óra? Eñemboʼe Jehovápe ha ejerure chupe tanepytyvõ (Sl 37:5). Eanalisa porã nde tuakuéra ha umi prekursór iñexperiensiavévandi umi mbaʼe rejaposéva. Upe rire, ejapo vaʼerã rehóvo umi mbaʼe replanea vaʼekue ikatu hag̃uáicha ehupyty la ne méta. Ikatu reĩ segúro Jehová katuete nevendesitaha eñehaʼã haguére eservi hag̃ua chupe.

EHECHA PE VIDÉO MITÃRUSUKUÉRA OMOMBAʼEGUASÚVA JEHOVÁPE, UPÉI ERRESPONDE KOʼÃ PORANDU:

• ¿Mbaʼérepa unos kuánto ermáno noñanimái kuri ojapo hag̃ua iprekursorádo? ¿Mbaʼépa oipytyvõ chupekuéra?

• ¿Mbaʼéichapa tuakuéra ikatu oipytyvõ ifamíliape ojapo hag̃ua iprekursorádo rregulár?

• ¿Mbaʼérepa iñimportánte ereko peteĩ prográma esẽ hag̃ua epredika?

• ¿Mbaʼéichapa umi ermáno oĩva kongregasiónpe ikatu omokyreʼỹ ha oipytyvõ umi prekursórpe?

• ¿Mbaʼe vendisiónpa orresivi umi prekursór?